ராயன் படத்தில் தனுஷ் செய்துள்ள விஷயத்தை படம் வெளியான பின்னர் ரசிகர்கள் நிச்சயம் பார்த்து மிரளப் போகின்றனர் என எஸ்.ஜே. சூர்யா சமீபத்தில் அளித்த பேட்டி ஒன்றில் கூறியுள்ளார். தனுஷின் 50வது படமாக உருவாகியுள்ள “ராயன்” வரும் ஜூலை 26ம் தேதி திரைக்கு வருகிறது. அந்த படத்தின் மீது தான் அடுத்து தமிழ் சினிமா பெரிய நம்பிக்கையை வைத்திருக்கிறது.
ஒரு இரண்டரை மணி நேர படத்தில் ராமாயணத்திலும் மகாபாராதத்திலும் உள்ள முக்கியமான அம்சங்களை வைத்து ஒரு படமாக கொடுக்க முடியுமா? என்றால் அது எவ்வளவு பெரிய கஷ்டமான விஷயம். அந்த விஷயத்தை ஸ்க்ரீன்பிளேயில் தனுஷ் அசால்ட்டாக செய்துக் காட்டியுள்ளார். “ராயன்” படம் வெளியானதும் ரசிகர்கள் தனுஷ் என்ன மாதிரியான டைரக்டர் என்பதை புரிந்துக் கொள்வார்கள் என சமீபத்தில் அளித்த பேட்டியில் எஸ்.ஜே. சூர்யா பேசியுள்ளார்.
தனுஷின் “ராயன்” படத்துக்கு ‘ஏ’ சான்றிதழ் கிடைத்தாலும் பரவாயில்லை வாங்குங்க என்றே கலாநிதி மாறன் சொல்லும் அளவுக்கு படம் தாறுமாறாக இருப்பதாக கூறுகின்றனர். தனுஷின் 50வது படமாக உருவாகியிருக்கும் இந்த படத்துக்கு ஏ.ஆர். ரஹ்மான் இசையமைத்துள்ளார். எஸ்.ஜே. சூர்யா, செல்வராகவன், பிரகாஷ் ராஜ், காளிதாஸ் ஜெயராம், சந்தீப் கிஷன், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்ட பலர் நடித்துள்ளனர்.
