சூப்பர் ஸ்டார் ரஜினிகாந்தின் வேட்டையன் படத்தை இயக்குனர் ஞானவேல் இயக்கி வருகிறார். இதில் அமிதாப் பச்சன், பஹத் பாசில், ராணா டகுபதி, மஞ்சு வாரியர், துஷாரா விஜயன் உட்பட பலர் பிரபலங்கள் நடித்துள்ளார்கள்.அண்மையில் அமிதாப் பச்சன் மற்றும் ரஜனிகாந்த் படப்படிப்பு தளத்தில் சந்தித்த புகைப்படங்கள் வெளியாகி வைரல் ஆகின.
வேட்டையன் படத்தை லைகா நிறுவனம் தயாரிக்கிறது. இப்படத்திற்கு அனிருத் இசையமைக்கிறார். நெல்லை, குமரி, தூத்துக்குடி, சென்னை, ஆந்திரம், மும்பை பகுதிகளில் படப்பிடிப்புகள் நடந்து முடிந்துள்ளன.இந்நிலையில் இப்படப்பிடிப்பு இறுதிக் கட்டத்தை எட்டியுள்ள நிலையில் தற்போது புதுச்சேரியில் படத்தின் சண்டைக் காட்சிகளின் படப்பிடிப்பு வெகுவாக நடந்துக் கொண்டு இருக்கிறது.
தற்போது புதுச்சேரி பழைய துறைமுகம் பகுதியில் 7 நாட்கள் இதன் படப்பிடிப்பு நடைபெறுகிறது. இதில் ரஜினியின் சண்டை காட்சிகள் படமாக்கப்பட்டு வருவதாக தகவல்கள் வெளியாகி உள்ளன.சண்டைக் காட்சியில் பயன்படுத்துவதற்காக ஹெலிகாப்டர்கள் புதுச்சேரியில் சுற்றி வருவதாக தெரிகிறது.
கேரவேனில் இருந்து ரஜினி வேட்டி சட்டையுடன் இறங்கி நடந்து வருகின்ற வீடியோ தற்போது இணையத்தில் வெளியாகி அதிகம் ஷேர் செய்யப்பட்டது.இந்நிலையில் ரஜினியின் ‘வேட்டையன்’ படம் வருகிற அக்டோபர் மாதம் தியேட்டர்களில் ரிலீஸாக உள்ளது என்பது குறிப்பிடத்தக்கது.
