சுந்தர் சி ஹாரர் த்ரில்லர் கதைக்களத்தை மையமாகக் கொண்டு 2014-ல் அரண்மனை1 படத்தை இயக்கியிருந்தார். அதன் மிகப்பெரிய வெற்றியைத் தொடர்ந்து அவர் மேலும் இரண்டு பாகங்களை இயக்கினார்.இந்த மெகா வெற்றியிக்கு பின்னர், சுந்தர் சி அரண்மனை 4 படத்தை இயக்கினார். இதில் தமன்னா சுந்தர் சி-க்கு தங்கையாக நடித்துள்ளார்.
மேலும் சந்தோஷ் பிரதாப் தமன்னாவின் ஜோடியாக நடித்துள்ளார். ராஷி கண்ணா, யோகி பாபு, கோவை சரளா உள்ளிட்ட பலரும் இப்படத்தில் முக்கிய கதாபாத்திரங்களில் நடித்துள்ளனர். குஷ்பு மற்றும் சிம்ரன் பாடல் ஒன்றுக்கு சேர்ந்து நடனமாடியுள்ளனர்.இந்த திரைப்படம் மே 3ஆம் தேதி உலகம் முழுவதும் வெளியானது.
முதல் நாளிலிருந்தே கலவையான விமர்சனங்களைப் பெற்றாலும் நல்ல வரவேற்பைப் பெற்றது.இது 100 கோடிக்கும் அதிகமாக வசூல் செய்து சாதனை படைத்தது குறிப்பிடத்தக்கது. மேலும், 2024 ஆம் ஆண்டின் பிளாக்பஸ்டர் பட்டியலில் இடம்பெற்ற முதல் தமிழ் திரைப்படம் என்ற பெருமையைப் பெற்றுள்ளது.சமீபத்தில் பல மலையாள திரைப்படங்கள் நூறு கோடிக்கு மேல் வசூல் செய்த நிலையில், 2024 ஆம் ஆண்டின் முதல் பிளாக்பஸ்டர் ஹிட் அடித்த தமிழ் திரைப்படம் என்ற பெருமையை அரண்மனை 4 பெற்றுள்ளது.
கோடை விடுமுறை என்பதால் ரசிகர்கள் குடும்பத்துடன் திரையரங்குகளுக்கு வந்து அரண்மனை 4 திரைப்படத்தை காண படையெடுத்து வருகின்றனர். தற்போது இந்த படம் 25 நாட்களை தாண்டி வெற்றிகரமாக ஓடிக்கொண்டிருக்கிறது எனபடக்குழுவினர் புதிய போஸ்டர் ஒன்றை வெளியிட்டு அறிவித்துள்ளனர்.
ஸ்டார், பிடி சார், ரசவாதி போன்ற படங்களும் சமீபத்தில் வெளியானாலும், அரண்மனை 4 திரைப்படம் மற்றப் படங்களுக்கு கடுமையான போட்டியாக இருந்து அதிக வசூல் செய்திருப்பது குறிப்பிடத்தக்கது.
