ஹிந்தியில் சல்மான் கான் நடிப்பில் அடுத்ததாக வெளியாகும் விதமாக தயாராகி வரும் படம் ‘பேட்டில் ஆப் கல்வான்’. இயக்குனர் அபூர்வா லகியா இந்த படத்தை இயக்கி வருகிறார். சித்ரங்தா சிங் கதாநாயகியாக நடிக்கிறார். கடந்த பிப்ரவரி 14, காதலர் தினத்தன்று இந்த படத்தில் இருந்து ‘மெயின் ஹூன்’ என்கிற பாடல் வெளியானது. சல்மான் கானும் நாயகி சித்ரங்தா சிங் இருவரும் ரொமான்ஸ் பண்ணும் விதமாக இந்த பாடல் உருவாக்கப்பட்டது. இந்த பாடலில் அழகான வெள்ளை குதிரை ஒன்றும் இடம் பெற்றிருந்தது. குதிரையின் மேல் இரண்டு சிறுவர்களை அமர வைத்தவாறு குதிரையை பிடித்துக் கொண்டு நாயகியுடன் நடந்து கொண்டே சல்மான் கான் ரொமான்ஸ் செய்வது போல இந்த காட்சி படமக்கப்பாட்டுள்ளது. இந்த காட்சியில் சல்மான்கான் சொந்தமாகவே தான் வளர்த்து வரும் குதிரையை நடிக்க வைத்து தான் காட்சிகளை படமாக்கி உள்ளார்கள் என்கிற விவரம் தற்போது வெளியாகி உள்ளது.
