சரத்குமாரின் மகள் வரலட்சுமி, தமிழ் சினிமாவில் நடிகையாக வளர்ந்து வருகிறார். தமிழ் மட்டுமல்லாமல் தெலுங்கு மொழியிலும் நடித்துள்ளார். 38 வயதான அவர், நிக்கோலாய் சச்தேவ் என்பவரை விரைவில் திருமணம் செய்துகொள்ளத் திட்டமிட்டுள்ளார். அண்மையில் அவர்களது நிச்சயதார்த்தம் நடைபெற்றது. இந்நிலையில், தனது வருங்கால கணவர் குறித்து வரலட்சுமி ஒரு பேட்டியில் மனம் திறந்து பேசியுள்ளார்.
பாலா இயக்கத்தில் வரலட்சுமி நடித்த தாரை தப்பட்டை படத்தில் அவரது நடிப்பு பெரிய அளவில் பேசப்பட்டாலும், அவர் எதிர்பார்த்தபடி வாய்ப்புகள் தொடர்ச்சியாக கிடைக்கவில்லை. இருப்பினும், அவர் தொடர்ந்து நடிப்பதை நிறுத்தவில்லை.தமிழில் அவர் மாருதி நகர் போலீஸ் ஸ்டேஷன் படத்தில் நடித்தார்.அடுத்து, தெலுங்கில் கொட்ட பொம்மாலி பிஎஸ் உள்ளிட்ட படங்களில் நடித்துள்ளார்.
நிக்கோலாய் குறித்து பேசும்போது வரலட்சுமி, எனது வருங்கால கணவர் நிக்கோலாய் சச்தேவையின் தந்தை கடந்த 30 ஆண்டுகளாக ஆர்ட் கேலரி ஒன்றை நடத்தி வந்தார். ஆனால் திடீரென அவருக்கு பக்கவாதம் ஏற்பட்டு, அவர் படுக்கைப் படுக்கையாகிவிட்டார். இதனால் 16 வயதில் நிக்கோலாய் அந்த ஆர்ட் கேலரியைப் பராமரிக்க ஆரம்பித்தார்.
ஆர்ட் கேலரி என்பது கலைப் பொருட்கள் விற்பனை செய்யும் இடம். அங்கு விலையுயர்ந்த கலைப் பொருட்கள் விற்கப்படுகின்றன. ஆனால் சிலர் அதனைக் கடத்தல் என்று தவறாகப் புரிந்துகொள்கின்றனர். கடந்த 14 ஆண்டுகளாக நிக்கோலாயை நான் அறிந்து வருகிறேன். இப்போதுதான் திருமணம் செய்துகொள்ள முடிவு செய்துள்ளோம். எனது தந்தை சரத்குமார் முன்னிலையில்தான் நிக்கோலாய் எனக்கு பிரோப்போஸே செய்தார் என்றார்.
