பீட்சா திரைப்படத்தை இயக்கியதன் மூலம் பிரபலமானவர் இயக்குநர் கார்த்திக் சுப்புராஜ். அதனைத் தொடர்ந்து ஜிகர்தண்டா, பேட்ட, ஜிகர்தண்டா டபுள் எக்ஸ் உள்ளிட்ட வெற்றி பெற்ற படங்களை இயக்கி ரசிகர்களின் மனதில் தனி இடத்தைப் பிடித்துள்ளார். தற்போது, அவருடைய இயக்கத்தில் ரெட்ரோ என்ற புதிய திரைப்படம் உருவாகியுள்ளது.
இந்த படத்தில் நடிகர் சூர்யா நாயகனாக நடித்துள்ளதுடன், நடிகை பூஜா ஹெக்டே நாயகியாக நடித்துள்ளார். இவர்களுடன் ஜோஜு ஜார்ஜ், ஜெயராம், கருணாகரன் உள்ளிட்ட பலரும் முக்கிய கதாபாத்திரங்களில் நடித்துள்ளனர். சந்தோஷ் நாராயணன் இசையமைத்துள்ள இப்படம், மே 1-ம் தேதி திரைக்கு வர இருக்கிறது.
இந்நிலையில், சமீபத்தில் அளித்த பேட்டியில் இயக்குநர் கார்த்திக் சுப்புராஜ், “முதலில் ரெட்ரோ படத்தின் கதையை ரஜினி சாரை நினைத்து எழுதி னேன்ன். அந்த நேரத்தில் இது ஒரு முழுமையான ஆக்ஷன் படமாக இருந்தது. பிறகு அந்த கதையை மாற்றி, காதல் கலந்த மாறுபட்ட சூழ்நிலையில் சூர்யா சாரிடம் சொன்னேன். இது விஜய் சாருக்கு எழுதிய கதையல்ல என்று தெரிவித்தார்.
