வெங்கட் பிரபு இயக்கத்தில் தளபதி விஜய், டாப் ஸ்டார் பிரசாந்த், நடனப் புயல் பிரபுதேவா, மைக் மோகன், மீனாட்சி சௌத்ரி, சினேகா, லைலா, அஜ்மல், வைபவ், பிரேம்ஜி அமரன் மற்றும் பலர் நடிப்பில் உருவாகி வரும் கோட் படத்தின் படப்பிடிப்பு கிட்டத்தட்ட கடைசி கட்டத்தை எட்டியுள்ளது.
இந்நிலையில் சன் பிக்சர்ஸ் நிறுவனம் விஜய்யின் ‘தி கோட்’ படத்தின் சாட்டிலைட் உரிமையை 55 கோடிக்கு வாங்க முன்வந்து, பல நிபந்தனைகளை விதிததாம். ‘படம் ரிலீஸான ஒருமாதத்துக்குள் ஒளிபரப்ப வேண்டும்’, ‘நாங்கள் கூறும் தேதிக்குள் படம் ரிலீஸ் செய்யப்பட வேண்டும்’, ‘படத்தில் அரசியல் சம்பந்தமான சர்ச்சைகள் இருக்கக்கூடாது’ என்ற பல கட்டுப்பாடுகளை சன் பிக்சர்ஸ் நிறுவனம் விதித்தபோது, தயாரிப்புக் குழுவும் சம்மதித்தாக கூறப்பட்டுள்ளது.
பின்னர் கடைசியாக, ‘விஜய் சன் டிவிக்காக இரண்டு மணி நேரம் ஒதுக்க வேண்டும்’ என்ற நிபந்தனை முன்வைக்கப்பட்டது. இது குறித்து விஜய்யிடம் தெரிவிக்கப்பட, அவர் சற்றும் தயங்காமல் ‘NO’ என்று பதிலளித்தார். இதனால், தற்போது ‘தி கோட்’ படத்தின் சாட்டிலைட் உரிமை ஜீ நிறுவனத்தால் கைப்பற்றப்பட்டுள்ளது என தகவல் வெளியாகியுள்ளது.
