லோகேஷ் கனகராஜ் இயக்கத்தில் வெளிவந்த லியோவுக்குப் பிறகு, நடிகர் விஜய் தற்போது வெங்கட் பிரபு இயக்கத்தில் “தி கிரேட்டஸ்ட் ஆஃப் ஆல் டைம்” என்ற படத்தில் நடிக்கிறார். இது விஜயின் 68-வது படம் ஆகும்.கல்பாத்தி தயாரிக்கும் இந்த படத்தில் முக்கிய கதாபாத்திரங்களில் சினேகா, லைலா, பிரபுதேவா, பிரசாந்த், அஜ்மல் ஆகியோர் நடிக்கின்றனர்.
யுவன் சங்கர் ராஜா இசையமைக்கின்றார். இந்த படம் செப்டம்பர் 5 ஆம் தேதி வெளியிடப்படும் என்று திட்டமிடப்பட்டுள்ளது. படத்தின் முதல் பாடல் “விசில் போடு” மிகவும் வைரலானது.சில நாட்களுக்கு முன்பு, படக்குழுவினர் அமெரிக்காவில் VFX பணிக்காக சென்றனர், வெங்கட் பிரபு தனது சமூக வலைத்தள பக்கங்களில் VFX பணிகள் முடிந்துவிட்டதாக அறிவித்தார்.
அதே சமயத்தில், அரசியல் களத்தில் குதித்த விஜய், தனது 69-வது படத்தை முடித்தவுடன் சினிமாவிலிருந்து விலகுவதாக அறிவித்துள்ளார். இதனால், இந்த படத்தின் மீதான எதிர்பார்ப்பு மிகுந்துள்ளது. இந்த படத்தை “தீரன்” மற்றும் “துணிவு” போன்ற படங்களை இயக்கிய எச். வினோத் இயக்கவுள்ளதாக கூறப்படுகிறது.
இந்நிலையில், விஜயின் 69-வது படத்தில் அவருக்கு ஜோடியாக பிரபல மலையாள நடிகை அபர்ணா பாலமுரளி நடிக்கவுள்ளார் என கூறப்படுகிறது. இவர் சூர்யாவுடன் இணைந்து “சூரரைப் போற்று” படத்தில் நடித்து தேசிய விருது பெற்றவர். இதுகுறித்த அதிகாரப்பூர்வ தகவல் விரைவில் வெளிவரும் என எதிர்பார்க்கப்படுகிறது.
