சூர்யா 44 படத்தில் இணைந்த தந்தையும் மகன் ? உலாவும் புது தகவல்! #SURIYA44

கங்குவா படப்பிடிப்பை முடித்துவிட்டு அதன் வெளியீட்டை எதிர்நோக்கியுள்ள சூர்யா, அடுத்த படமாக கார்த்திக் சுப்பராஜ் இயக்கும் 44-வது படத்தில் நடித்து வருகிறார். அந்தமானில் ஆரம்பிக்கப்பட்ட இந்த படப்பிடிப்பு தற்போது ஊட்டியில் நடைபெற்று வருகிறது. 

இந்த படத்தில் சூர்யாவுடன் பூஜா ஹெக்டே, ஜோஜூ ஜார்ஜ், ஜெயராம், கருணாகரன் உள்ளிட்டோர் முக்கியமான கதாபாத்திரங்களில் நடித்துள்ளனர். தற்போது, ஜெயராமின் மகனான காளிதாஸ் ஜெயராமும் இந்த படத்தில் இணைந்துள்ளார் என தகவல்கள் வெளியாகியுள்ளன.

இதனால், அப்பாவும் மகனும் இப்படத்தில் இணைந்து நடித்து வருகின்றனர். மேலும், இந்தப் படத்திற்கு சந்தோஷ் நாராயணன் இசையமைக்கிறார். 2D என்டர்டெயின்மென்ட் மற்றும் ஸ்டோன் பெஞ்ச் நிறுவனங்கள் இணைந்து தயாரிக்கின்றன.