சூர்யா 44 படத்தில் இணைகிறாரா நடிகர் பிரகாஷ்ராஜ்? #SURIYA44

இயக்குனர் கார்த்திக் சுப்புராஜ் இயக்கத்தில் நடிகர் சூர்யா தனது 44வது படத்தில் நடித்து வருகிறார். இந்த படத்திற்கு சந்தோஷ் நாராயணன் இசையமைக்கிறார். சூர்யாவின் 2டி எண்டர்டெயின்மெண்ட் மற்றும் கார்த்திக் சுப்புராஜின் ஸ்டோன் பென்ச் நிறுவனம் இணைந்து இந்த படத்தை தயாரிக்கின்றன.

இதில் பூஜா ஹெக்டே, ஜெயராம், ஜோஜூ ஜார்ஜ், கருணாகரன், சுஜித் சங்கர் ஆகியோர் இணைந்து நடித்து வருகின்றனர். இதன் முதல் இரண்டு கட்ட படப்பிடிப்புகள் ஏற்கனவே முடிவடைந்துவிட்டது.

இந்நிலையில், இந்த படத்தில் மற்றொரு முக்கியமான கதாபாத்திரத்தில் நடிக்க நடிகர் பிரகாஷ் ராஜ் இணைந்துள்ளதாக தகவல்கள் தெரிவிக்கின்றன. சிங்கம், ஜெய் பீம் படங்களுக்கு பிறகு சூர்யாவுடன் பிரகாஷ் ராஜ் மீண்டும் இணைந்து நடிப்பது குறிப்பிடத்தக்கது.