இயக்குனரும் நடிகருமான கேஎஸ் ரவிக்குமாரின் ஆர்கே செல்லுலாய்ட்ஸ் நிறுவனம் தயாரித்த மூன்றாவது படமாக ‘ஹிட் லிஸ்ட்’ உருவாகியுள்ளது. படத்தின் படப்பிடிப்பு முழுமையாக முடிவடைந்து, ரிலீசுக்கு தயாராக உள்ளது.
பிரபல இயக்குனர் விக்ரமனின் மகன் விஜய் கனிஷ்கா ஹீரோவாக நடித்துள்ள இந்த படத்தில் சரத்குமார் முக்கியமான பாத்திரத்தில் நடித்துள்ளார். இந்தப் படத்தின் இசை வெளியீடு சென்னையில் சிறப்பாக நடைபெற்றது.
அதன் பிறகு, படத்தின் வீடியோவை பார்த்து ரஜினி, கமல், சூர்யா, விஜய் ஆகியோர் பாராட்டினார்கள் என்பதை இயக்குனர் கேஎஸ் ரவிக்குமார் தனது சமூக வலைதள பக்கத்தில் பகிர்ந்துள்ளார். மேலும், தமது நன்றியையும் தெரிவித்துள்ளார். படம் வெளியீடு குறித்த தகவலை விரைவில் அறிவிப்பதாக படக்குழு தெரிவித்துள்ளது.
உலக நாயகன் கமல்ஹாசன், சூப்பர் ஸ்டார் ரஜினிகாந்த், தளபதி விஜய் மற்றும் நடிகர் சூர்யா ஆகியோர் இந்த படத்தின் வீடியோவை கண்டு பாராட்டுகளைத் தெரிவித்துள்ளனர். கேஎஸ் ரவிக்குமார், இந்த பாராட்டுக்களை வீடியோவாக பதிவு செய்து நன்றியையும் தெரிவித்தார். இந்த படத்தை சூரியக்கதிர் காக்காளர் மற்றும் கே கார்த்திகேயன் இணைந்து இயக்கியுள்ளனர். இந்த படம் மிகப்பெரிய வரவேற்பை பெறும் என்று எதிர்பார்க்கப்படுகிறது.
