லேடி சூப்பர் ஸ்டார் நயன்தாரா அட்லி இயக்கத்தில் ஷாருக்கானுடன் இணைந்து ஜவான் படத்தில் ஹீரோயினாக நடித்திருந்தார்.என்னதான் பாலிவுட்டில் நடித்தாலும் தமிழ் சினிமாவில் முன்னணி நடிகர்களுடன் தொடர்ந்து நடிக்கும் வாய்ப்பு பெரிதாக கிடைக்கவில்லை. தற்போது டெஸ்ட் மற்றும் மண்ணாங்கட்டி என இரண்டு தமிழ் படங்கள் மட்டுமே நயன்தாரா கமிட் ஆகியுள்ளார்.
அந்த இரண்டு படங்களின் படப்பிடிப்பு முடிந்திருக்கும் நிலையில், மலையாளத்தில் நிவின் பாலி ஜோடியாக நடித்து வருகிறார் நயன்தாரா.மாதவன் நடித்த நளதமயந்தி படத்தில் ஹீரோயினாக நடித்த கீதா மோகன்தாஸ் இயக்கத்தில் பிரம்மாண்டமாக உருவாகி வரும் டாக்ஸிக் படத்தில் யஷ் ஹீரோவாக நடித்து வருகிறார்.
டாக்ஸிக் படத்தில் யாஷ்க்கு அக்கா கதாபாத்திரத்தில் நடிக்க பாலிவுட் நடிகை கரீனா கபூர் முதலில் ஒப்பந்தம் செய்யப்பட்டார். ஆனால், கால்ஷீட் பிரச்சனை காரணமாக அவர் தற்போது விலகி விட்டதாக தகவல்கள் வெளியாகி உள்ளன.
இந்நிலையில் கரீனா கபூருக்கு பதிலாக நடிகை நயன்தாராவை யஷ்ஷின் அக்காவாக நடிக்க வைக்க பேச்சுவார்த்தைகள் நடந்ததாகவும் இந்த படத்தில் அக்கா கதாபாத்திரத்தில் நடிக்க டபுள் மடங்கு சம்பளம் கேட்டதாகவும் தகவல்கள் வெளியாகி உள்ளன.
நயன்தாரா தற்போது அவருடைய சம்பளத்தை இரண்டு மடங்கு உயர்த்தியுள்ளார்.புதிய படங்களுக்கு 10 கோடி வரை சம்பளமாக பெறுகிறார்.கேஜிஎஃப் பட நாயகன் யஷ் படத்தில் அக்கா கதாபாத்திரத்தில் நடிப்பதற்காக 20 கோடி ரூபாய் சம்பளம் நயன்தாரா கேட்டதாக கூறப்படும் நிலையில் அந்த கதாபாத்திரம் படத்திற்கே முக்கியமான கதாபாத்திரம் என்பதால் நயன்தாரா கேட்கும் தொகையைக் கொடுத்து நடிக்க வைப்பார்கள் என்று தகவல்கள் வெளியாகியுள்ளன.
