ஷங்கர் இயக்கத்தில் ராம் சரண் நடிப்பில் உருவாகி வரும் ‘கேம் சேன்ஜர்’ படத்தில் கியாரா அத்வானி, எஸ்.ஜே. சூர்யா, அஞ்சலி, சுனில், ஸ்ரீகாந்த் உள்ளிட்ட பலர் முக்கிய கதாபாத்திரங்களில் நடிக்கின்றனர். தில் ராஜூ தயாரிக்கிறார். தமன் இசையமைக்கிறார். இது அரசியல் சார்ந்த கதையுடன் உருவாகிறது.
இதன் படப்பிடிப்பு பல கட்டமாக இடைவெளி விட்டு நடைபெற்று வந்தது. தற்போதைய நிலையில், ராம் சரண் சம்பந்தப்பட்ட காட்சிகளின் படப்பிடிப்பு வெறும் 10 நாட்களே உள்ளதாக கூறப்படுகிறது. இதனால், இப்படத்தை தீபாவளிக்கு வெளியிட திட்டமிட்டு வருவதாக செய்திகள் தெரிவிக்கின்றன.
சமீபத்தில் ஷங்கர் இயக்கத்தில் உருவான இந்தியன் 2 படத்தின் படப்பிடிப்பு நிறைவடைந்து இசை வெளியீட்டு விழா சென்னையில் பிரமாண்டமாக நடைபெற்றது. இந்நிலையில், ஷங்கரின் இயக்கத்தில் கேம் சேன்ஜர் படமும் விரைவில் திரைக்கு கொண்டு வர ஷங்கர் அதற்கான பணிகளை மேற்கொண்டு வருவதாக கூறப்படுகிறது.
