தமிழ் சினிமாவின் பல்துறை திறமையான நடிகர்களில் ஒருவராக சத்யராஜ் முக்கியமானவர். எந்தவொரு கதாபாத்திரத்தையும் தனக்கென ஒரு சுவாரசியமான பாணியில் வடிவமைத்து மொழி மாறுபாடில்லாமல் தமிழ், தெலுங்கு, மலையாளம் மற்றும் இந்தி திரைப்படங்களில் தொடர்ந்து நடித்து வருகிறார்.
சமீபத்தில் அவர் நடித்துள்ள ‘வெப்பன்’ படத்தின் டிரைலர் வெளியானது சமூக வலைத்தளங்களில் வைரலான நிலையில், இன்று மேலும் ஒரு சுவாரசியமான செய்தி வெளியாகியுள்ளது. சத்யராஜ் இந்திய பிரதமர் நரேந்திர மோடியின் வாழ்க்கை வரலாற்றில் நடிக்க இருப்பதாக தகவல் வெளியாகியுள்ளது.
நரேந்திர மோடியின் வாழ்கையை சினிமாவாக்கும் முயற்சி இது முதல்முறையல்ல; ஏற்கனவே 2019 ஆம் ஆண்டு பிரபல பாலிவுட் நடிகர் விவேக் ஓபராய் மோடியின் வாழ்க்கையை படமாக்கியிருந்தார். ஆனால் அந்த படம் பெரிதாக கவனம் பெறவில்லை.
இம்முறை, சத்யராஜ் நடிக்கும் படம் பான் இந்தியா அளவில் தயாரிக்கப்படும் என்று எதிர்பார்க்கப்படுகிறது. இந்த ஆண்டில் படப்பிடிப்பு தொடங்கும் என நம்பப்படுகிறது.படத்தின் இயக்குனர், தயாரிப்பாளர் மற்றும் மற்ற நடிகர்கள் பற்றிய விவரங்கள் விரைவில் அறிவிக்கப்படும். நார்த்திகவாதத்தை நம்பும் சத்யராஜ் ஆன்மிகத்தில் அதிக ஈடுபாடு இல்லாதவர். பெரியாரின் கொள்கைகளை பின்பற்றுபவரான அவர் எப்படி மோடியின் வாழ்க்கை வரலாற்றில் நடிக்க சம்மத்தித்தார் என்ன காரணமாக இருக்கும் என நெட்டிசன்கள் கேள்வி எழுப்பியுள்ளனர்.
