விஜய்யின் பிறந்த நாளான கடந்த ஜூன் 22 ஆம் தேதி ‘லியோ’ படத்தின் முதல் சிங்கிளான ‘நான் ரெடி’ பாடலை படக் குழு வெளியிட்டது. இந்தப் பாடலை அனிருத் இசையில் நடிகர் விஜய், அனிருத், அசல் கோலார் ஆகியோர் பாடியுள்ளனர். பாடல் வரிகளை விஷ்ணு எடவன் எழுதியுள்ளார். இப்பாடல் நல்ல வரவேற்பை பெற்றது. இரண்டாவது சிங்கிளான ‘Badass’ பாடல் கடந்த 28ம் தேதி வெளியாகி ஹிட்டடித்தது.இந்நிலையில் ‘லியோ’ படத்தின் மூன்றாவது சிங்கிள் பாடலான ‘அன்பெனும்’ பாடல் வெளியிடப்பட்டுள்ளது.
பாடல் எப்படி? – அனிருத், லோதிகா இணைந்து பாடியுள்ள இப்பாடலை விஷண் எடவன் எழுதியுள்ளார். மெலோடி பாடலான இப்பாடல் விஜய் – த்ரிஷா இடையிலான காதல் பாடலாக உருவாகியுள்ளது. ‘அன்பெனும் ஆயுதம் தானே…உந்தன் நெஞ்சமே’, ’விரலோடு விரல் கோர்த்து… மாரோடு அணைப்பாயே… அன்பெனும் ஆயுதம் நீயே.. என்றென்றும் வீரனே’ என பாடல் வரிகள் மழைக்கு பிறகான சாரலைப்போல பாடலுடன் காதலை பரிமாறுகின்றன
