தமிழில் கடந்த 2016ஆம் ஆண்டு சந்தானம் நடித்த ‘தில்லுக்கு துட்டு’ படம் வெற்றிபெற்றது. அதன் தொடர்ச்சியாக, 2019ஆம் ஆண்டு வெளியான இரண்டாம் பாகமும் பெரிதும் வரவேற்பை பெற்றது. பின்னர் 2023ஆம் ஆண்டில் பிரேம் ஆனந்த் இயக்கத்தில் ‘டிடி ரிட்டன்ஸ்’ என்ற படத்தில் சந்தானம் நடித்தார். அதன் பிறகு, மறுபடியும் அதே இயக்குநர் பிரேம் ஆனந்தின் இயக்கத்தில் ‘டிடி நெக்ஸ்ட் லெவல்’ என்ற திரைப்படத்தில் நடித்து வருகிறார் சந்தானம்.
இந்த படத்தில் சந்தானத்துடன் கவுதம் வாசுதேவ் மேனன், செல்வராகவன், கஸ்தூரி, மொட்டை ராஜேந்திரன், யாஷிகா ஆனந்த், கீர்த்திகா உள்ளிட்ட பலர் முக்கிய கதாபாத்திரங்களில் நடித்துள்ளனர்.
இந்த படம் ஏற்கனவே மே மாதம் வெளியாவதாக அறிவிக்கப்பட்டிருந்தது. தற்போது, மே 16ஆம் தேதி அன்று இந்த படம் தமிழ், ஹிந்தி மற்றும் தெலுங்கு ஆகிய மொழிகளில் வெளியாகும் என அதிகாரப்பூர்வமாக போஸ்டர் மூலம் அறிவிக்கப்பட்டுள்ளது.
