‘கில்’ படத்தின் ரீமேக்கில் இருந்து விலகினாரா நடிகர் துருவ் விக்ரம்?

கடந்த 2023ஆம் ஆண்டு ஹிந்தியில் அதிரடி மற்றும் ஆக்ஷன் படமாக வெளியானது ‘கில்’. இந்த படத்தை தமிழில் ரீமேக் செய்வதற்கான பணிகள் நடைபெற்று வருகின்றன. ரமேஷ் வர்மா என்ற தெலுங்கு இயக்குநர், ‘கில்’ படத்தை தமிழ் மற்றும் தெலுங்கு ஆகிய இரு மொழிகளிலும் ரீமேக் செய்யும் பணிகளில் ஈடுபட்டு வருகிறார்.

சில மாதங்களுக்கு முன்பு, இந்த படத்தின் தமிழ் ரீமேக்கில் கதாநாயகனாக துருவ் விக்ரம் நடிக்கிறார் என்ற தகவல் வெளியாகியது.

ஆனால் தற்போது, இப்படத்தில் நடிப்பதிலிருந்து துருவ் விலகியுள்ளதாக தகவல் வெளியாகியுள்ளது. இயக்குனர் ஒருவரின் அறிவுரையை ஏற்று, அவர் இப்படத்திலிருந்து விலகியதாக கூறப்படுகிறது. ஆனால் இதுகுறித்து தற்போது வரை அதிகாரபூர்வ தகவல்கள் எதுவும் வெளியிடப்படவில்லை.