”யார் சூப்பர் ஸ்டார்?” : சொல்கிறார் ‘மைக்’ மோகன்

நடிகர் அஜித் நடித்த துணிவு மற்றும் நடிகர் விஜய் நடித்துள்ள வாரிசு  ஆகிய படங்கள் வெளியாக இருக்கும் நிலையில், யார் சூப்பர் ஸ்டார் என்கிற விவாதம் எழுந்துள்ளது.

இந்த நிலையில், நடிகர் மோகன் தான் நடித்துள்ள ஹரா திரைப்படம் தொடர்பாக செய்தியாளர்களை சந்தித்தார்.

அப்போது அவரிடம் இன்றைய சூப்பர் ஸ்டார் யார் என்ற கேள்வி எழுப்பப்பட்டது.

“அப்போதிலிருந்தே இப்போது வரையில் சூப்பர் ஸ்டார் என்ற பட்டத்திற்கு போட்டி உள்ளது. பல ஸ்டார்கள் இருக்கலாம். ஆனால் அந்த பட்டம் யாரிடம் உள்ளது என பார்க்க வேண்டும். அது ரஜினி சார் வசம் மட்டும்தான் உள்ளது” என தெரிவித்துள்ளார்.