பொதுவாக திரை நாயகன் என்றால் நல்லவராக இருப்பார்.. தீயவர்களை அழிப்பார் என்பதுதான் நடைமுறை. ஆனால் இதை மாற்றி, நெகட்டிவ் ரோல்களில் நடித்து வெற்றி பெற்ற ஹீரோக்களும் உண்டு. அவற்றில் சில பெரும் வரவேற்பைப் பெற்றன என்பதுதான் அதிசயம்.
கே.விஜயன் இயக்கத்தில் சிவாஜி, ரஜினி, மாதவி உள்ளிட்டோர் நடித்து 1986ல் வெளியான திரைப்படம் விடுதலை. இதில் ரஜினி, சின்ன சின்ன திருட்டுகளில் ஈடுபட்டு, போலீஸான சிவாஜியிடம் சிக்கித் தவிப்பார். சந்திரபோஸ் இசையில் பாடல்கள் அனைத்தும் ஹிட். 1986ல் வெளியான இப்படம் பெரும் வெற்றி பெற்றது.
இயக்குநர் ஷங்கரின் முதல் படமான ஜென்டில் மேன் படத்தில் அர்ஜூன் கதாநாயகனாக நடித்தார். இவருடன் மதுபாலா, கவுண்டமணி உள்ளிட்டோரும் நடித்து இருந்தனர். ஏ.ஆர். ரஹ்மான் இசையில் பாடல்கள் அனைத்தும் ரசிகர்களை கவர்ந்தன.
இந்த படத்தில் கொள்ளைக்காரராக நடித்திருப்பார் அர்ஜூன். இந்தப்படமும் பெரிய அளவில் ரசிகர்களை கவர்ந்தது.
2011ல் வெளியான மங்காத்தாப படத்தில் அஜீத் மற்றும் அர்ஜூன் இருவரும் இணைந்து கொள்ளையடிப்பார்கள். மற்ற படங்களிலாவது நல்ல நோக்கத்துக்காக நாயகன் கொள்ளை அடிப்பதாக காண்பிப்பார்கள். இப்படத்தில் இவர்கள் தங்களது சுயநலத்துக்காகவே கொள்ளையடிப்பார்கள். ஆனால் படம் பெரிய அளவில் வசூல் செய்தது.
சினிமாவில் லாஜிக் பார்ப்பார்கள். ஆனால் சினிமா வெற்றி பெறுவதற்கு என்ன லாஜிக் என்பதை இதுவரை யாரும் கண்டுபிடிக்கவில்லை!
