21 வயதில் இரண்டு மாற்றுத்திறன் கொண்ட குழந்தைகளைத் தத்தெடுக்க முடிவு செய்த தென்னிந்தியாவைச் சேர்ந்த இளம் நடிகை, தற்போது 23 வயதாகியுள்ளார். இவர், மகேஷ் பாபு, ரவி தேஜா போன்ற சூப்பர் ஸ்டார்களுடன் பணிபுரிந்துள்ளார். இவர், நடிப்பிற்காக மட்டுமல்லாமல், நடனம், அழகான தோற்றம் மற்றும் பேஷனுக்காகவும் நன்கு அறியப்பட்டவர். ஆம், நாம் ஸ்ரீலீலாவைப்பற்றித் தான் பேசுகிறோம்.
ஸ்ரீலீலாவின் தாய் ஒரு மருத்துவர். இதனால், தனது தாயின் பாதையைப் பின்பற்றி, ஸ்ரீலீலா மருத்துவராக ஆசைப்பட்டார். எம்.பி.பி.எஸ் படிப்பைத் தேர்ந்தெடுத்த அவர், பின்னர் சினிமா துறையைத் தேர்ந்தெடுத்தார். 2019-ல் வெளியான கிஸ் திரைப்படத்தின் மூலம் கன்னடத்தில் அறிமுகமானார். இப்படம் 100 நாட்களுக்கும் மேல் வெற்றிகரமாக ஓடியது. பின்னர், 2021-ல் வெளியான பெல்லி சண்டாட் திரைப்படத்தின் மூலம் தெலுங்கில் அறிமுகமானார். இப்படம் எதிர்மறையான விமர்சனங்களைப் பெற்றிருந்தாலும், ஸ்ரீலீலாவின் நடிப்பு அனைவரையும் கவர்ந்தது.
சமீபத்தில், மகேஷ் பாபுவுடன் குண்டூர் காரம் படத்தில் ஜோடியாக நடித்தார். இப்படம் அவரது புகழை மேலும் உயர்த்தியது. இவ்வாறு, இளம் நடிகையாக வளர்ந்து வரும் ஸ்ரீலீலா, தனது 21வது வயதிலேயே இரண்டு மாற்றுத்திறன் கொண்ட குழந்தைகளைத் தத்தெடுத்துள்ளார் என்பதை உங்களுக்கு தெரியுமா? ஆம், கடந்த 2022-ம் ஆண்டு பிப்ரவரியில், குரு என்ற ஆண் குழந்தையையும், ஷோபிதா என்ற பெண் குழந்தையையும் தத்தெடுத்து, மில்லியன் கணக்கான இதயங்களை வென்றார். இந்த செயலினை, தனது கன்னட படமான பை டூ லவ் படத்தை வெளியிடுவதற்கு சில நாட்களுக்கு முன்பு செய்தார். அந்த படத்தில் அவர் தாயாக நடித்திருந்தார்.
