சண்முக பாண்டியன், தன்னுடைய அப்பாவைப் போலவே சினிமாவுக்கு மிகுந்த ஆர்வம் கொண்டவர். இவர் சகாப்தம் படத்தில் ஹீரோவாக அறிமுகமானார். தற்போது, அன்பு இயக்கத்தில் படை தலைவன் என்ற படத்தில் நடித்து வருகிறார். யானையை மையமாகக் கொண்டு இந்தப்படம் உருவாகி வருகிறது.
விஜயகாந்த் இறந்தபோது, நடிகர் ராகவா லாரன்ஸ், சண்முக பாண்டியனுடன் ஒரு படத்தில் நடிக்க விருப்பம் தெரிவித்துள்ளார். இதையடுத்து, ராகவா லாரன்ஸ் படை தலைவன் படத்தில் சிறப்பு வேடத்தில் நடிக்க இருப்பதாக அறிவிக்கப்பட்டது. ஆனால், அவர் நடிக்கவில்லை. இதற்கு பதிலாக, விஜயகாந்த்தை ஏஐ தொழில்நுட்பம் மூலம் நடிக்க வைத்துள்ளனர்.
இந்நிலையில், ராகவா லாரன்ஸ் நடிக்காததைப் பற்றி பல தவறான தகவல்கள் பரவி வருகின்றன. இதுகுறித்து இயக்குநர் அன்பு வெளியிட்ட அறிக்கையில், “சண்முக பாண்டியனின் கலை உலக வாழ்க்கைக்கு உதவ விரும்பியதால், ராகவா லாரன்ஸ் அவருடைய படத்தில் நடிக்க முடிவு செய்தார். படம் இறுதிக்கட்டத்தை எட்டிய நிலையில், ராகவா லாரன்ஸ் நடிக்கப் போகும் கதாபாத்திரம் மிகவும் கனமாக இருக்கும் என்று எனக்குத் தோன்றியது. எனவே, அவரை மீண்டும் சந்தித்து இதைப் பற்றி விவாதித்தேன். அவர் என் முடிவை ஏற்றுக்கொண்டார். மேலும், படை தலைவன் படத்தின் புரொமோஷனுக்கு உதவியளிக்க உறுதியளித்தார். எனவே, அவருடைய நடிப்பை நிபந்திக்காத உண்மையான காரணம் தெரியாமல் பரவியுள்ள தவறான தகவல்களை நிராகரிக்க இந்த அறிக்கையை வெளியிடுகிறேன், என்று அவர் கூறியுள்ளார்.
