தனுஷின் கேப்டன் மில்லர் படத்தில் நடித்து வரும் நடிகை பிரியங்கா மோகன் சமீபத்தில் வெளியிட்டுள்ள வித்தியாசமான புகைப்படங்கள் இணையத்தில் வைரலாகி வருகிறது.
கர்நாடக மாநிலத்தின் தமிழ் குடும்பத்தை சேர்ந்தவர் பிரியங்கா அருள் மோகன்.கடந்த 2019-ம் ஆண்டு கன்னடத்தில் வெளியான ஒன்த் கதே ஹீலா என்ற படத்தின் மூலம் திரையுலகில் அறிமுகமானார்.
தொடர்ந்து, நானிஸ் கேங்லீடர் என்ற படத்தின் மூலம் தெலுங்கில் அறிமுகமான இவர், அடுத்து ஸ்ரீகாரம் என்ற படத்தில் நடித்திருந்தார். அதனைத் தொடர்ந்து கடந்த 2021-ம் ஆண்டு சிவகார்த்திகேயன் நடிப்பில் வெளியான டாக்டர் படத்தின் மூலம் தமிழில் அறிமுகமானார்.
நெல்சன் இயக்கிய இந்த படம் பெரிய வெற்றியை கொடுத்த நிலையில், பிரியங்காவுக்கு நல்ல பெயரை பெற்றுத்தது. அதன்பிறகு சூர்யாவுடன் எதற்கும் துணிந்தவன், மீண்டும் சிவகார்த்திகேயனுடன் டான், படத்தில் நடித்த பிரியங்கா தற்போது தமிழ் படங்களில் கவனம் செலுத்தி வருகிறார்.
அந்த வகையில் தனுஷ் நடிப்பில் தயராகி வரும் கேப்டன் மில்லர் படத்தில் அவருக்கு ஜோடியாக நடித்து வரும் பிரியங்கா மோகன், இயக்குனர் ராஜேஷ் இயக்கும் படத்திலும் நடிக்க உள்ளார்.
அதேபோல் வெற்றிமாறன் இயக்க உள்ள வாடிவாசல் படத்தில் மீண்டும் சூர்யாவுடன் இணைந்து நடிக்க உள்ள பிரியங்கா மோகன் தெலுங்கில் ஓஜி என்ற படத்தில் நடித்து வருகிறார்.
சமூகவலைதளங்களில் ஆக்டீவாக இருந்து வரும் இவர் அவ்வப்போது தனது புகைப்படம் மற்றும் வீடியோக்களை வெளியிட்டு வருகிறார். அந்த வகையில் இவர் வெளியிடும் பதிவுகள் வரவேற்பை பெற்று வருகிறது.
தனுஷ் நடித்து முடித்துள்ள ‘கேப்டன் மில்லர்’திரைப்படத்தில் பிரியங்கா மோகன் நாயகியாக நடித்துள்ளார். அருண் மாதேஸ்வரன் இயக்கியுள்ள இந்தப் படத்தில் சிவராஜ்குமார், சந்தீப் கிஷண், நிவேதா, ஜான் கொக்கைன் உட்பட பலர் நடித்துள்ளனர். ஜி.வி பிரகாஷ் இசை அமைக்கும் இந்தப் படத்தை சத்யஜோதி பிலிம்ஸ் தயாரித்துள்ளது. டிசம்பர் 15ம் தேதி இந்தப் படம் வெளியாகும் என்று அறிவிக்கப்பட்டுள்ளது.
