தெலுங்கு திரையுலகில் முன்னணி நடிகராக வலம் வருபவர் மகேஷ் பாபு. தற்போது, அவர் ராஜமௌலி இயக்கும் SSMB 29 திரைப்படத்தில் நடித்து வருகிறார்.
இந்த திரைப்படம் ஆக்சன் மற்றும் அட்வென்ச்சர் வகையைச் சார்ந்ததாக இருக்கும். மேலும், இப்படத்தின் கதை உலகின் பல்வேறு பகுதிகளில் நடப்பதாக வடிவமைக்கப்பட்டிருப்பதாக ராஜமௌலி கூறியிருந்தார். இந்த படத்தை இரண்டு பகுதிகளாக உருவாக்க திட்டமிட்டுள்ளதாகவும் தகவல்கள் தெரிவிக்கின்றன. இதில் பாலிவுட் நடிகை பிரியங்கா சோப்ரா முக்கிய கதாபாத்திரத்தில் நடிக்கிறார்.
மேலும், மகேஷ் பாபுவின் அப்பாவின் கதாபாத்திரத்தில் பிரபல பாலிவுட் நடிகர் நானா படேகர் நடிக்க உள்ளதாக செய்திகள் வெளிவந்துள்ளன. இந்நிலையில், மகேஷ் பாபுவின் புதிய வொர்க் அவுட் வீடியோ இணையத்தில் வேகமாக பரவி வருகிறது. அந்த வீடியோவை பார்த்த ரசிகர்கள், “வேட்டைக்கு தயாராகும் சிங்கம்” எனக் கருத்து தெரிவித்துள்ளனர்.
