தமிழ் திரைப்படத்துறையில் தற்போது தனுஷ், சிவகார்த்திகேயன், சிம்பு உள்ளிட்ட முன்னணி நடிகர்களின் படங்களை தயாரித்து வருபவர் ஆகாஷ் பாஸ்கரன். இவர் தனது ‘டான் பிக்சர்ஸ்’ நிறுவனத்தின் மூலம் இந்தப் படங்களைத் தயாரித்து வருகிறார்.
கடந்த மாதத்தில் சமூக வலைதளங்களில் ஒரு தகவல் பரவியது. அதில், தனுஷ் இயக்கத்தில் அஜித் குமார் ஒரு புதிய படத்தில் நடிக்கவிருப்பதாகவும், அந்தப் படத்தை டான் பிக்சர்ஸ் நிறுவனம் தயாரிக்கவிருப்பதாகவும் கூறப்பட்டது.
இதனைத் தொடர்ந்து தற்போது ஆகாஷ் பாஸ்கரன் அளித்த பேட்டியில் இதைப் பற்றிய கேள்வி எழுப்பப்பட்ட போது, அவர் பதிலளிக்கையில், “தனுஷ் இயக்கத்தில் அஜித் சார் நடிக்கும் படம் தற்போது ஆரம்ப நிலை பேச்சுவார்த்தைகளில் தான் இருக்கிறது. இன்னும் எந்த உறுதிப்படுத்தலும் செய்யப்படவில்லை. அதற்குப் பிறகு, தமிழரசன் பச்சமுத்து இயக்கத்தில் தனுஷ் நடிக்கவிருக்கும் புதிய படத்தின் பணிகள் விரைவில் துவங்க உள்ளன,” எனத் தெரிவித்தார்.
