‘திரெளபதி’யைத் தொடர்ந்து ‘ருத்ர தாண்டவம்’..!

‘திரௌபதி’ படத்தின் வெற்றியை தொடர்ந்து இயக்குநர் ஜி.மோகன் இயக்கும் புதிய திரைப்படம் ‘ருத்ர தாண்டவம்.’

G.M.Film Corporation பட நிறுவனம் சார்பில் சிறிய முதலீட்டில் தயாரிக்கப்பட்டு மாபெரும் வசூலை அள்ளிக் குவித்த ‘திரௌபதி’ படத்தைத் தொடர்ந்து, தற்போது அதே நிறுவனம் தயாரிக்கும் இரண்டாவது திரைப்படம் ‘ருத்ர தாண்டவம்.’

ஜி.மோகன் இயக்கி, தயாரிக்கும் இந்தப் படத்தில் நாயகனாக ரிஷி ரிச்சர்டு நடிக்கிறார்.

டிசம்பர் மாத இறுதியில் படப்பிடிப்பை துவங்கி, மே மாதத்தில் படத்தை வெளியிட திட்டமிட்டுள்ளனர்.

‘திரௌபதி’ படத்தை வெளியிட்ட 7 G ஃபிலிம்ஸ் சிவா, இந்தப் படத்தை உலகம் முழுவதும் வெளியிடும் உரிமையை பெற்றுள்ளார் என்பது குறிப்பிடத்தக்கது.

கதாநாயகி மற்றும் முக்கிய கதாபாத்திரங்களின் தேர்வு தற்போது நடைபெற்று வருகிறது.

‘பழைய வண்ணாரப்பேட்டை’ படத்தின் ஒளிப்பதிவாளரான பரூக் இந்தப் படத்திற்கும்  ஒளிப்பதிவு செய்கிறார். ‘பழைய வண்ணாரப்பேட்டை’, ’திரௌபதி’ படத்தின் இசையமப்பாளர் ஜூபின் இசையமைக்கிறார்.