தமிழ் மற்றும் தெலுங்கு திரைப்படங்களில் முன்னணி நடிகையாக வலம் வருபவர் கீர்த்தி சுரேஷ். அவரது நடிப்பில் தமிழில் சமீபமாக வெளியான படம் ரகு தாத்தா. தற்போது, அவர் ‘அக்கா’ எனும் வெப்சீரிஸில் நடித்துவருகிறார். இந்த வெப்சீரிஸ் நெட்பிளிக்ஸ் ஓடிடி தளத்தில் விரைவில் வெளியாகவுள்ளது.
இதே நேரத்தில், தெறி படத்தின் இந்தி ரீமேக்கான பேபி ஜான் திரைப்படத்தின் மூலம் பாலிவுட்டில் தனது முதலாவது படமாக கீர்த்தி சுரேஷ் அறிமுகமானார். இந்தப் படம் கலவையான விமர்சனங்களை பெற்றது.
இதனைத் தொடர்ந்து, மீண்டும் ஒரு புதிய பாலிவுட் திரைப்படத்தில் கீர்த்தி சுரேஷ் நடிக்க உள்ளதாக தகவல் வெளியாகியுள்ளது. இந்தப் படத்தை ‘செக்டார் 36’ படத்தை இயக்கிய ஆதித்யா நிம்பல்கர் இயக்கவிருக்கிறார். இதில் கதாநாயகனாக ராஜ்குமார் ராவ் நடிக்க உள்ளார். இப்படத்தை கம்பா பிலிம்ஸ் சார்பில் பத்ரலேகா தயாரிக்க உள்ளார்.
