இயக்குனர் ஞானவேல்-ன் ஜெய்பீம் படத்தினை போல தரமானதாக ரஜினியின் வேட்டையன் படம் இருக்கும் என ரசிகர்களுக்கு பெரும் எதிர்பார்ப்பு ஏற்பட்டுள்ளது.அதேமாதிரி ஜெயிலர் படத்தைப் போல மல்டி ஸ்டார் நடிகர்கள் நடித்துள்ள இப்படம் பான் இந்தியா அளவில் ஹிட்டாகும் எனவும் வேட்டையன் படத்தின் வசூல் டார்கெட்டை லைகா நிறுவனம் செட் செய்து இருப்பதாக தகவல்கள் வெளியாகி உள்ளன.
வாசு இயக்கத்தில் வெளிவந்து சூப்பர் ஹிட்டான சந்திரமுகி படத்தில் வேட்டையன் என்ற கதாபாத்திரத்தில் நடித்த ரஜினியின் இப்படத்திற்கு வேட்டையன் என்ற டைட்டில் சூட்டப்பட்டுள்ளது. பல வருடங்கள் கழித்து பாலிவுட் நடிகர் அமிதாப் பச்சன் ரஜினிகாந்துடன் முக்கிய கதாபாத்திரத்தில் நடித்துள்ளார்.
ரஜினியுடன் வேட்டையன் படத்தில் பகத் ஃபாசில், ராணா டகுபதி, மஞ்சுவாரியர், துஷாரா விஜயன், ரித்திகா சிங் உள்ளிட்டோர் நடித்து வருகின்றனர். ஜெயிலர் படத்தை தொடர்ந்து ரஜினியின் இப்படத்திற்கும் அனிருத் இசையமைத்திருக்கிறார்.
தற்போது லைகா தயாரிப்பில் ரஜினிகாந்த் நடித்து வரும் வேட்டையன் திரைப்படத்தின் ஷூட்டிங் கடைசிக்கட்டத்தை எட்டியுள்ளது. வரும் மே 12-ஆம் தேதியுடன் ஒட்டுமொத்த படப்பிடிப்பும் முடிந்து அதன் பின்னர் போஸ்ட் புரொடக்ஷன் பணிகள் முடித்து அக்டோபர் மாதம் ஆயுதபூஜைக்கு பண்டிகையை முன்னிட்டு படம் ரிலீஸ் செய்யப்பட உள்ளது.
இந்நிலையில், தயாரிப்பு நிறுவனமான லைகா தற்போது வேட்டையன் படத்தின் தியேட்டர் ரிலீஸ், ஓடிடி விற்பனை, சாட்டிலைட் விற்பனை மற்றும் ஆடியோ ரைட்ஸ் உள்ளிட்டவற்றை சேர்த்து டார்கெட்டாக ஒட்டுமொத்தமாக 1100 கோடி வைத்து பிஸினஸ் நடத்த திட்டமிட்டுள்ளதாக தகவல்கள் வெளியாகியுள்ளன.
