Saturday, July 13, 2024

சூரரைப்போற்று சூரியாவுக்கு அப்போ சிம்புவுக்கு? சிம்புவின் 50 படத்தை இயக்க போவது யார் தெரியுமா?

Share

- Advertisement -
- Advertisement -
- Advertisement -

கமல் ஹாசன் தயாரிப்பில் தேசிங்கு பெரியசாமி இயக்கத்தில் நடிகர் சிம்பு தனது 48வது‌ படத்தில் நடிக்க ஒப்பந்தமானார். இதனை கமல் ஹாசனின் ராஜ்கமல் நிறுவனம் பிரமாண்டமாக தயாரிக்க உள்ளது. நடிகர் சிம்பு இந்தப் படத்தை முடித்தபின் அஸ்வத் மாரிமுத்து இயக்கத்தில் அவர் நடிக்க போவதாக கூறப்பட்ட நிலையில் தற்போது அவரது 50ஆவது படம் பற்றிய ஒரு சூப்பரான அப்டேட் வெளியாகியுள்ளது.

சில காலங்களுக்கு முன்பு சிம்பு நடிப்பில் கவனம் செலுத்தாமல் கால் ஷீட் கொடுத்துவிட்டு படப்பிடிப்புக்கு போகாமல் பல கடுமையான விமர்சனங்களை எதிர்கொண்டார்.அதன் பிறகு உடல் எடையை குறைத்து ஃபிட்டாக எண்ணங்களை ஒருநிலைப்படுத்தி ஈஸ்வரன் படத்தின் மூலம் கம் பேக் கொடுத்தார். ஆனால் அப்படம் எதிர்பார்பை பூர்த்தி செய்யவில்லை இருந்தாலும் அடுத்ததாக வெங்கட் பிரபு இயக்கத்தில் மாநாடு படத்தில் நடித்து அப்படம் ப்ளாக் பஸ்டர் ஆனது.மாநாடு படத்தின் ஹிட்டிற்கு பிறகு கௌதம் வாசுதேவ் மேனன் இயக்கத்தில் சிம்பு வெந்து தணிந்தது காடு படத்தில் நடிக்க அப்படமும் சூப்பர் ஹிட் ஆனது. மேலும் பத்து தல படத்தில் நடித்திருந்தார் அப்படம் கலவையான விமர்சனங்களை பெற்றது.அதேசமயம் சிம்புவின் நடிப்பு பெரிதளவு பேச்சுப் பொருள் ஆகியது.

இந்த சூழலில் கண்ணும் கண்ணும் கொள்ளையடித்தால் படத்தின் இயக்குநர் தேசிங்கு பெரியசாமி இயக்கத்தில் தனது 48வது படத்தில் நடிக்கவுள்ளார் சிம்பு.இதன் பின்னர் இயக்குநர் அஸ்வத் மாரிமுத்து இயக்கத்தில் மற்றொரு படத்தில் நடிக்கவிருப்பதாக சொல்லப்படுகிறது.இயக்குநர் அஸ்வத் மாரிமுத்து ஓ மை கடவுளே படத்தை இயக்கியவர்.அஸ்வத் இப்போது பிரதீப் ரங்கநாதனை வைத்து ஒரு படத்தை இயக்கவுள்ளார் .அந்தப் படத்தின் படப்பிடிப்பை முடித்துவிட்டு சிம்புவின் படத்தை தொடங்க வாய்ப்புள்ளது.

இந்நிலையில் சிம்புவின் 50ஆவது படத்தின் இயக்குனர் பற்றிய புதிய தகவல் ஒன்று வெளியாகியிருக்கிறது. இப்படத்தை இறுதிச்சுற்று, சூரரைப்போற்று போன்ற வெற்றி படங்களை கொடுத்து சுதா கொங்கரா இயக்கவுள்ளதாக கூறப்படுகிறது. சிம்புவிடம் சுதா கொங்கரா சொன்ன கதை சிம்புவுக்கு மிகவும் பிடித்து இருப்பதாகவும் சுதா கொங்கரா இயக்கத்தில் நடிக்க சிம்பு ஒப்புக்கொண்டுள்ளதாக தகவல்கள் வெளியாகியுள்ளன. சூரரைப்போற்று படத்துக்காக தேசிய விருதை பெற்ற சுதா கொங்கரா சிம்புவின் 50வது படத்தை இயக்க போவதாக தகவல் பரவும் நிலையில் சிம்புவின் 50வது படத்தின் மீதான எதிர்பார்ப்பு எகிறியுள்ளது.

- Advertisement -

Read more

Local News