2019 ஆம் ஆண்டு ஆதித்யா தார் இயக்கத்தில் விக்கி கௌஷல், யாமி கவுதம், கிருத்தி குல்ஹாரி மற்றும் பலர் நடித்த பிளாக் பஸ்டர் ஹிட்டான திரைப்படம் URI: தி சர்ஜிகல் ஸ்டிரைக். இப்படத்தின் வெற்றியைத் தொடர்ந்து, இயக்குனர் ஆதித்யா தார் அடுத்து ரன்வீர் சிங் நடிப்பில் ஒரு அதிரடி ஆக்ஷன் படத்தை இயக்கவுள்ளார்.
இப்படத்தை ஜியோ ஸ்டூடியோஸ் மற்றும் பி62 ஸ்டூடியோஸ் இணைந்து தயாரிக்கவுள்ளது. தற்போது, இப்படத்தில் நடிக்கவுள்ள நடிகர்களின் பட்டியலை ரன்வீர் சிங் தனது சமூக வலைதள பக்கத்தில் பதிவிட்டுள்ளார்.
இப்படத்தில் ரன்வீர் சிங்குடன் சஞ்சய் தத், அக்ஷய் கன்னா, மாதவன், அர்ஜூன் ராம்பல் போன்ற முன்னணி நடிகர்கள் நடிக்கவுள்ளனர். இப்படம் மிகப்பெரிய பொருட் செலவில் எடுக்கப்படவுள்ளது. இப்படம் இந்தியன் இண்டலிஜன்ஸ் ஆஜென்சியில் பணிபுரியும் அதிகாரிகளை மையப்படுத்திய கதைக்களமாக அமையும். இதனால், ரசிகர்கள் மத்தியில் மிகப்பெரிய எதிர்பார்ப்பு உருவாகியுள்ளது.
