இயக்குனர் ஏ.எல். விஜய். ‘கிரீடம்’ திரைப்படத்தின் மூலம் இயக்குனராக அடியெடுத்து வைத்தார். அதன் பின்னர், பொய் சொல்லப் போறோம், மதராசபட்டினம், தெய்வதிருமகள், தாண்டவம், தலைவா, தேவி, தலைவி உள்ளிட்ட பல்வேறு திரைப்படங்களை இயக்கியுள்ளார். அண்மையில், மிஷன் சேப்டர் 1 திரைப்படத்தை இயக்கியுள்ளார்.
இந்நிலையில், விஜய் டி ஸ்டூடியோ போஸ்ட் எனும் பெயரில் ஒரு போஸ்ட் புரொடக்ஷன் ஸ்டூடியோவை துவங்கியுள்ளார். இதில், திரைப்படங்களுக்கான படப்பிடிப்புக்குப் பிந்தைய அனைத்து பணிகளையும் செய்யக்கூடிய வசதிகள் உள்ளன.
இந்த ஸ்டூடியோ சென்னை சாலிகிராமத்தில் உள்ள பிரசாத் அவன்யூவில் அமைந்துள்ளது. ஸ்டூடியோவை நடிகர் சிவகுமாரும், இயக்குனர் பிரியதர்ஷனும் இணைந்து திறந்து வைத்தனர். இந்த நிகழ்ச்சியில் நடிகைகள் சாயிஷா, லட்சுமி ராமகிருஷ்ணன், சரண்யா, மஞ்சிமா மோகன், நடிகர்கள் நட்டி நடராஜ், உதயா, தம்பி ராமய்யா, தயாரிப்பாளர் ஐசரி கணேஷ், ஒளிப்பதிவாளர் பி.சி. ஸ்ரீராம் உள்ளிட்ட பலர் கலந்துகொண்டனர்.
