2018-ஆம் ஆண்டு வெளியான பரியேறும் பெருமாள் திரைப்படத்தின் மூலம் தமிழ் திரையுலகில் இயக்குநராக அறிமுகமானவர் மாரி செல்வராஜ். இந்த படம் மிகுந்த பாராட்டைப் பெற்றது. அதன் பிறகு, அவர் கர்ணன், மாமன்னன் மற்றும் வாழை போன்ற படங்களை இயக்கினார்.
இதனைத் தொடர்ந்து, ஆதித்யா வர்மா படத்தின் மூலம் திரையுலகில் அறிமுகமான துருவ் விக்ரம் கதாநாயகனாக நடிக்கும் புதிய படத்தை மாரி செல்வராஜ் இயக்கி வருகிறார். இந்த படத்திற்கு பைசன் என்று பெயரிடப்பட்டுள்ளது. இதில் அனுபமா பரமேஸ்வரன், ரெஜிஷா விஜயன், பசுபதி, கலையரசன் உள்ளிட்ட பலர் முக்கிய கதாபாத்திரங்களில் நடிக்கின்றனர்.
இந்த படம் ஒரு கபடி வீரரின் வாழ்க்கையை அடிப்படையாகக் கொண்டிருக்கும். இந்நிலையில், இப்படத்திற்கான புதிய தகவல் வெளியாகியுள்ளது. அதன் படி, பைசன் திரைப்படம் வரவிருக்கும் ஆகஸ்ட் மாதத்தில் வெளியிட படக்குழு திட்டமிட்டுள்ளதாக தகவல் வெளியாகியுள்ளது.
