மலையாள சினிமாவின் முன்னணி நடிகரான டோவினோ தாமஸ் மாரி, மின்னல் முரளி உள்ளிட்ட பல படங்களில் நடித்து ரசிகர்களின் மனதில் இடம்பிடித்தவர். விதவிதமான கதாபாத்திரங்களைத் தேர்ந்தெடுத்து நடித்து வரும் அவர், மலையாள ரசிகர்களோடு தமிழ் மற்றும் பிற மொழி ரசிகர்களையும் பெற்றுள்ளார். பிரித்விராஜ் இயக்கத்தில் எல் 2 எம்புரான் படத்திலும் நடித்துள்ளார். தமிழில் ராஜாராணி மூலம் பிரபலமான நஸ்ரியா, கடைசியாக சூக்சுமதர்ஷினி படத்தில் நடித்திருந்தார்.
சமீபத்தில் நெதர்லாந்து, ஆம்ஸ்டர்டாமில் வழங்கப்பட்ட உலகளாவிய மதிப்புமிக்க செப்டிமஸ் விருதில், நரிவேட்டை படத்திற்காக சிறந்த ஆசிய நடிகர் விருது டோவினோ தாமஸுக்கு கிடைத்தது. மேலும் லோகா படத்திலும் சிறப்புத் தோற்றத்தில் நடித்திருந்தார். தற்போது அவர் புதிய படத்தில் நடிக்கவுள்ளதாக அறிவிப்பு வெளியாகியுள்ளது.
நஸ்ரியா நாயகியாக நடிக்கும் இப்படத்திற்கான நடிகர், நடிகைகளைத் தேர்வு செய்யும் பணிகள் நடைபெற்று வருகிறது. வைரஸ், கும்பலாங்கி நைட்ஸ், தள்ளுமாலா போன்ற படங்களுக்கு கதை எழுதிய முஷின் பராரியுடன் இணைந்து இந்த புதிய படத்தில் டோவினோ தாமஸ் நடிக்கிறார் என்று கூறப்படுகிறது.
