தி வெர்டிக்ட்
2019 மே 20ஆம் தேதி அமெரிக்காவில் வசிக்கும் பணக்கார பெண் சுஹாசினி உயிரிழக்கிறார். மூச்சுத் திணறலால் அவசர உதவிக்காக ஆக்சிஜன் இணைக்கப்பட்ட நிலையில் அவர் மரணமடைந்தார். இது இயற்கை மரணமா அல்லது திட்டமிட்ட கொலையா என்பதை போலீசார் சந்தேகிக்கத் தொடங்குகிறார்கள். அந்த நேரத்தில் அங்கே இருந்த ஸ்ருதி ஹரிஹரன், போலீசின் சந்தேகத்தின் மையமாகப் பரிசீலிக்கப்படுகிறார். சம்பவ இடத்தில் அவரது கைரேகைகள் மட்டுமே இருப்பதும், வேறு யாருக்கும் தொடர்பு இல்லாததும் காரணமாக, முக்கிய சந்தேக நபராக ஸ்ருதி மாட்டிக்கொள்கிறார்.
தனித்தியாக வாழ்ந்த சுஹாசினிக்கு மிகவும் நெருக்கமானவர் ஸ்ருதியே. அவரைத் தன் மகளாகக் கருதி, தனது 150 மில்லியன் டாலர் மதிப்புள்ள சொத்தை ஸ்ருதிக்கே எழுதி வைத்திருந்தார். எனவே, அவளுக்கு பணத்துக்காக கொலை செய்ய வேண்டிய அவசியமில்லை என்று போலீசாரின் கருத்து. சுஹாசினிக்கு உதவியாக ஒருவர் இருந்தாலும், அந்த நேரத்தில் அவர் அங்கே இல்லாததால், சந்தர்ப்ப சாட்சிகள் எல்லாம் ஸ்ருதியை எதிர்த்தே அமைகின்றன. இந்நிலையில், சுஹாசினியின் வழக்கறிஞராக வரலட்சுமி சரத்குமார் ஆஜராகி, நீதிமன்றத்தில் வாதாடுகிறார். சாட்சிகளின் விசாரணைக்கு பிறகு நடுவர் மன்றம் வாக்கெடுப்பு நடத்தி, ஸ்ருதி குற்றமற்றவர் என தீர்ப்பு அளிக்கிறது. இதனையடுத்து வழக்கில் இருந்து ஸ்ருதி விடுவிக்கப்படுகிறாள். எனினும், வழக்கறிஞர் மாயாவுக்கு ஒரு சிறிய சந்தேகம் எழுகிறது. அந்த சந்தேகம் ஆழமாக பரவிக்கொண்டு வழக்கை ஒரு புதிய திசையில் நகர்த்துகிறது. அதன் பின்னர் நடந்தது என்ன? உண்மையான குற்றவாளி யார்? இந்த வழக்கில் ஸ்ருதியை சிக்கவைத்தது யார்? என்பதே மீதிக் கதையாக அமைக்கப்பட்டுள்ளது.
இந்த திரைப்படத்தின் கதை அமெரிக்காவின் டெக்சாஸ் மாநிலம் ஆஸ்டின் பகுதியில் நடைபெறுகிறது. “The Verdict” என்றால் “தீர்ப்பு” என்பது பொருள். ஒரு கொலை வழக்கை மையமாகக் கொண்டு, திரைக்கதை அமைக்கப்பட்டு, இயக்குநர் கிருஷ்ணா சங்கர் திகிலூட்டும் பாணியில் இயக்கியுள்ளார். வழக்கு விசாரணை பல கட்டங்களை கடந்து, குற்றவாளி என்று நினைக்கப்பட்டவர் விடுவிக்கப்படுகிறார். அந்தவட்டத்திற்குப் பிறகு தான், கதையின் மையம் முற்றிலும் மாறி முக்கிய திருப்பங்கள் தொடங்குகின்றன. முடிவு வரும் வரை பரபரப்பாக கதையை நகர்த்தி, பார்வையாளர்களை திரையில் கண்ணாமூச்சி ஆட்டம் போல் ஈர்த்து வைத்திருக்கிறார் இயக்குநர்.
படத்தில் பணக்காரராக சுஹாசினி, முதன்மை கதாபாத்திரத்தில் சிறப்பாக நடித்துள்ளார். உட்கார்ந்தபடியும், படுத்தபடியும் நடிப்பதில்கூட அவரது அனுபவம் வெளிப்படுகிறது. அவருடன் நெருக்கமாக பழகும் ஸ்ருதி ஹரிஹரன், சந்தேக நபியாக வலம் வரும் கட்டங்களில் உணர்வுபூர்வமாக நடித்துள்ளார். வழக்கறிஞராக வரலட்சுமி சரத்குமார், தனது வீரியமான தோற்றத்தால் மின்னுகிறார்; அவரது குரலும் கதாபாத்திரத்துக்கு சிறந்த ஆதரவாக அமைந்துள்ளது. மற்றொரு வழக்கறிஞராக வில்லகா ராமன் நடித்த வித்யுலேகா, தன் பாத்திரத்திற்கு முழுமையான நீதியை செய்துள்ளார்.
மலர்களைத் தேடி பறக்கும் பட்டாம்பூச்சி போல் மனப்பாங்கு கொண்ட கதாபாத்திரத்தில் வருண் சிறப்பாக நடித்துள்ளார். வெளிப்படையாக அமைதியாக இருப்பது போல் தோன்றும், ஆனால் உள்ளார்ந்த ஆவேசம் நிறைந்த கேரக்டராக பிரகாஷ் மோகன் தாஸ் மிகச் சரியாக நடித்துள்ளார். அரவிந்த் கிருஷ்ணாவின் ஒளிப்பதிவு கூர்மையான மற்றும் அழகான காட்சி அனுபவத்தை அளிக்கிறது. ஆதித்யா ராவின் பின்னணி இசை படம் முழுவதும் சுவாரஸ்யத்தை கூட்டும் வகையில் அமைந்துள்ளது.
