ஆதிக் ரவிச்சந்திரன் இயக்கத்தில், நடிகர் அஜித் குமார் தனது 63-வது படத்தில் நடித்து வருகிறார். இந்தப் படத்துக்கு ‘குட் பேட் அக்லி’ என்று பெயரிடப்பட்டுள்ளது. இதில், அஜித்துடன் திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர்.
மைத்ரி மூவி மேக்கர்ஸ் நிறுவனம் தயாரிக்கின்ற இப்படத்துக்கு ஜி.வி. பிரகாஷ் இசையமைக்கிறார். இதன் முதல் மற்றும் இரண்டாம் லுக் போஸ்டர்கள் வெளியாகி வைரலானது. இப்படம் வரவிருக்கும் ஏப்ரல் 10-ம் தேதி திரையரங்குகளில் வெளியாக உள்ளது. தற்போது பின்னணி பணிகள் முழுவீச்சில் நடைபெற்று வருகின்றன. இப்படம் சுமார் ரூ.270 கோடி பட்ஜெட்டில் உருவாகி வருகிறது.
இந்த நிலையில், படத்திற்கான புதிய அப்டேட் இந்த மாத இறுதியில் வெளியாகவுள்ளதாக தகவல் வெளியாகியுள்ளது. இதைத் தொடர்ந்து, பட விநியோகிஸ்தராக உள்ள ராகுல், தனது எக்ஸ் தளத்தில், “கொஞ்சம் நாள் பொரு தலைவா, குட் நியூஸ் ஆன் தி வே மாமே” என பதிவிட்டுள்ளார். அதுமட்டுமின்றி இப்படத்தின் முக்கிய அப்டேட்கள் இம்மாத இறுதியில் இருந்து ஒன்றன் பின் ஒன்றாக வெளியிடப்படும் என்ற தகவல் வெளியாகியுள்ளது. இதை அறிந்த அஜித் ரசிகர்கள், இப்படத்தின் அப்டேட்டை கொண்டாடுவதற்காக தயாராகி வருகின்றனர்.
