தனுஷின் ‘தேரே இஷ்க் மெய்ன்’ படத்தின் ஃபர்ஸ்ட் சிங்கிள் வெளியானது!

நடிகர் தனுஷ், இயக்குனர் ஆனந்த் எல். ராய் கூட்டணியில் உருவாகும் தேரே இஷ்க் மெய்ன் படத்தின் படப்பிடிப்பு கடந்த ஆண்டு டெல்லியில் தொடங்கியது. ராஞ்சனா, அட்ராங்கி ரே போன்ற வெற்றிப் படங்களை இயக்கிய ஆனந்த் எல். ராய், இந்த புதிய படத்திலும் தனுஷுடன் மீண்டும் இணைந்துள்ளார். இப்படத்தில் நடிகை கிரித்தி சனோன் கதாநாயகியாக நடித்துள்ளார். 

மும்பை, ஐதராபாத், டெல்லி உள்ளிட்ட பல இடங்களில் படப்பிடிப்பு நடைபெற்றுள்ளது. வரும் நவம்பர் 28ஆம் தேதி படம் திரைக்கு வரும் என அறிவிக்கப்பட்டுள்ளது.சமீபத்தில் தனுஷ், இப்படத்தின் படப்பிடிப்பு நிறைவடைந்தது என தெரிவித்திருந்தார்.

காதல் மற்றும் ஆக்ஷன் கலந்த படமாக உருவான இப்படத்துக்கு ஏ.ஆர். ரஹ்மானின் இசையமைத்துள்ளார்‌‌. தற்போது தேரே இஷ்க் மெய்ன் படத்தின் முதல் பாடல் வெளியாகி ரசிகர்களின் கவனத்தை ஈர்த்து வருகிறது.