இயக்குநர் சுசீந்திரனின் இயக்கத்தில் நடிகர் ஜெய் நாயகனாக நடிக்கும் படத்தின் தலைப்பு மாற்றப்பட்டிருக்கிறது.
இயக்குநர் சுசீந்திரன் ‘ஈஸ்வரன்’ படத்திற்குப் பிறகு தற்போது இயக்கி வரும் படத்தில் நடிகர் ஜெய் நாயகனாக நடித்து வருகிறார். இந்தப் படத்திற்கு ‘சிவா சிவா’ என்று தலைப்பு வைத்திருந்தார்கள். இதன் போஸ்டர்களும் வெளியிடப்பட்டன.
இந்த நிலையில் தற்போது இந்தப் படத்தின் தலைப்பு ‘வீரபாண்டியபுரம்’ என்று மாற்றப்பட்டுள்ளதாம்.
இது குறித்து இயக்குநர் சுசீந்திரன் வெளியிட்டுள்ள அறிக்கையில், “பைனல் மிக்சிங்கில் படத்தை பார்த்த நண்பர்கள், படம் சிறப்பாக அமைந்துள்ளதாக சொன்னார்கள். ஆனால் கிராமம் சார்ந்த படமாக இந்தப் படம் உருவாகியுள்ளதால் படத்தின் தலைப்பும் மண் சார்ந்த கிராமத்து தலைப்பாக இருந்தால் படத்திற்கு சிறப்பாக அமையும் என்று அவர்கள் கூறியதை கருத்தில் கொண்டு தயாரிப்பு தரப்புடன் கலந்தாலோசித்து தற்போது படத்தின் தலைப்பை ‘வீரபாண்டியபுரம்’ என்று மாற்றியுள்ளதாக…” கூறியுள்ளார்.
படத்தின் ட்ரெயிலர் விரைவில் வெளியாக உள்ளது. இந்தப் படத்திற்கு நாயகன் ஜெய்யே முதல் முறையாக இசையமைத்துள்ளது குறிப்பிடத்தக்கது.
