மகேஷ் பாபு நடித்த “குண்டூர் காரம்” படத்தில் இடம்பெற்ற “குர்ச்சி மடத்த பெட்டி” பாடலின் மூலம் இந்திய அளவில் பிரபலமான நடனக் கலைஞராக மாறியவர் ஸ்ரீலீலா. அதன் பிறகு, அல்லு அர்ஜுன் நடித்த “புஷ்பா தி ரூல்” படத்தில் இடம்பெற்ற “கிஸ்சிக்” பாடலிலும் நடனமாடி மேலும் கவனத்தை ஈர்த்தார்.
தற்போது ஸ்ரீலீலா தமிழ் சினிமாவில் “பராசக்தி” என்ற படத்தில் நடித்து வருகிறார். மேலும் தெலுங்கில், நிதின் ஜோடியாக நடித்துள்ள “ராபின்ஹுட்” படம் இன்றுடன் திரையரங்குகளில் வெளியாகியுள்ளது.
இந்த நிலையில், தனது வரவிருக்கும் படங்களின் அப்டேட்டுகளை ஸ்ரீலீலா பகிர்ந்துள்ளார். “தற்போது தமிழில் ‘பராசக்தி’ படத்திலும், தெலுங்கில் ரவி தேஜாவுடன் இணைந்து ‘மாஸ் ஜதாரா’ படத்திலும் நடித்து வருகிறேன். மேலும், கன்னடம் மற்றும் தெலுங்கில் உருவாகி வரும் ‘ஜூனியர்’ படத்திலும் நடிக்கிறேன். இவற்றைத் தவிர, இன்னும் சில புதிய படங்களுக்கான பேச்சுவார்த்தைகள் நடைபெற்று வருகின்றன. அவை விரைவில் அறிவிக்கப்படும்,” எனத் தெரிவித்தார்.
