ஹெச் பிக்சர்ஸ் ஹரி, டச் ஸ்கிரீன் ஞானசேகர் தயாரிக்க, சவரக்கத்தி இயக்குநர் ஆதித்யா உருவாக்கத்தில் விதார்த், பூர்ணா, அருண், மிஷ்கின் மற்றும் பலர் நடிப்பில் உருவாகியிருக்கும் திரைப்படம் “டெவில்”. இப்படத்திற்கு முதன்முறையாக இயக்குநர் மிஷ்கின் இசையமைத்து இருக்கிறார். படம், பிப்ரவரி 2ல் வெளியாகவிருக்கும் நிலையில் படத்தின் பத்திரிக்கையாளர் சந்திப்பு சென்னையில் நடைபெற்றது.
“இந்தப் படத்துக்கு நான் இசை அமைத்துள்ளேன். எனது இசைக்கு 36 மார்க் போடலாம். இசையில் நூற்றுக்கு நூறு வாங்குபவர்கள் இளையராஜாவும், ஏ.ஆர்.ரஹ்மானும்தான்” என்றார்.
பின் செய்தியாளர்களிடம் பேசிய மிஷ்கினிடம் ‘ராமர் கோயில் திறப்பு’ குறித்து கேட்கப்பட்டது. அப்போது அவர், “ராமர், அல்லா, ஏசு என் மனதில் இருக்கிறார்கள். ராமர் பெரிய அவதாரம். ஒரு காவியத் தலைவன். சினிமாக்காரனாக அரசியல் சார்ந்து எதையும் சொல்லக் கூடாது என முடிவெடுத்திருக்கிறேன்” என்றார்.
