‘சரவணா ஸ்டோர்’ அண்ணாச்சி அருள் சரவணன் நடித்து வரும் திரைப்படத்திற்கு ஒரு வழியாக நாயகி கிடைத்துவிட்டாராம்.
பிரபல பாலிவுட் நடிகையான ஊர்மிளா ரவுத்துலாதான் அந்த ஹீரோயின் என்கிறார்கள்.
‘சரவணா ஸ்டோர்’ அண்ணாச்சி அருள் சரவணனுக்கு திடீரென ஹீரோ ஆசை ஏற்படவே தனது நிறுவன விளம்பரங்களில் தானே நடிக்க ஆரம்பித்தார். அதனால் பலர் அவரை ட்ரோல் செய்ய ஆரம்பித்தனர். ஆனாலும் விடாமல் தனது கடையின் அனைத்து விளம்பரங்களிலும் அவரே நடித்தார்.
இதையடுத்து தன்னை அடுத்த கட்டத்துக்கு உயர்த்தும் முயற்சியாக ஒரு படத்தில் கதாநாயகனாக நடிக்க ஒப்பந்தம் ஆனார். அந்த படத்தை அவரை வைத்து பல விளம்பரப் படங்களை இயக்கிய இயக்குநர்களான ஜேடி ஜெர்ரி இருவரும் இயக்கி வருகின்றனர்.
இசைக்கு ஹாரிஸ் ஜெயராஜ், பாடலுக்கு வைரமுத்து என முன்னணிக் கலைஞர்களை இந்தப் படத்துக்கு ஒப்பந்தம் செய்துள்ளார் அண்ணாச்சி.
இந்த படத்தின் படப்பிடிப்பு கொரோனாவுக்கு முன்னர் பரபரப்பாக நடந்தது.. இந்த படத்தில் இரண்டு பாடல்கள் பல கோடி ரூபாய் செலவில் படமாக்கப்பட்டுள்ளது. பின்னர் கொரோனா லாக் டவுனால் படப்பிடிப்பு ரத்து செய்யப்பட்டது.
இதையடுத்து இப்போதை படப்பிடிப்பை மீண்டும் தொடங்கியுள்ளது படக் குழு. சமீபத்தில் சண்டை காட்சிகள்கூட படமாக்கப்பட்டுவிட்டன. ஆனால் நாயகிதான் கிடைத்தபாடில்லை என்று சொல்லிக் கொண்டேயிருந்தார்கள்.
தமிழின் உச்ச நடிகையான நயன்தாரா முதல் சமந்தாவரையிலும் போராடிப் பார்த்தும் யாரும் நடிக்க முன் வரதாததால் பாலிவுட்டுக்கு படையெடுத்திருக்கிறார்கள் இயக்குநர்கள்.
கடைசியாக தற்போது பாலிவுட்டில் கவர்ச்சிக் கன்னியாக வலம் வந்து கொண்டிருக்கும் ஊர்வசி ரவுத்துலாவை அண்ணாச்சிக்கு ஜோடியாக புக் செய்திருப்பதாகத் தகவல்கள் தெரிவிக்கின்றன.
2013-ம் ஆண்டு ‘Sing Saab the Great’ என்ற ஹிந்திப் படம் மூலமாக பாலிவுட்டில் அறிமுகமானார் ஊர்வசி. அதன் பிறகு ஹிந்தி, கன்னடம், வங்காளம் என்று ஒரு ரவுண்டு அடித்திருக்கிறார். ‘மிஸ் டிவா’ பட்டத்தையும் வென்றவர். தற்போது 27 வயதாகும் ஊர்வசி ஏற்கெனவே திருமணமானவர். இருந்தாலும் தற்போதும், ஆடைக் குறைப்புக்கும் அஞ்சாமல் கலைச் சேவை செய்து வருகிறார். தமிழில் இதுதான் இவரது முதல் படமாகும்.
சமீபத்தில் ஒரு விழாவில் தயாரிப்பாளர் போனி கபூர், ஊர்வசியின் பின்புறத்தில் செல்லமாகத் தட்டிவிட்டுப் போக.. அது கொஞ்ச நாட்களுக்கு பாலிவுட்டில் பெரும் சர்ச்சையைக் கிளப்பியிருந்தது. அதைக்கூட கூலாகவே எடுத்துக் கொண்டார் ஊர்வசி.
இப்போது தமிழகத்துக்கு வரவிருக்கும் ஊர்வசி ரவுத்துலாவை வருக.. வருக.. என வரவேற்கிறோம்..!
