ஹிருத்திக் ரோஷன் நடிப்பில் 2024 குடியரசு தினத்தை ஒட்டி வெளியான ஃபைட்டர் படம் 2 நாட்களில் 100 கோடி வசூலை பெற்றுள்ளது. இது அவரது 14வது 100 கோடி வசூல் செய்த படமாகும். சித்தார்த் ஆனந்த் இயக்கத்தில், ஹிருத்திக்கின் வலுவான டயலாக்ஸ் மற்றும் சக்திவாய்ந்த நடிப்பின் மூலம் தேசபக்தி மிகுந்த படமாக உருவான ஃபைட்டர் ரசிகர்களை ஈர்த்துள்ளது.
வார் (2019) படத்திற்கு பிறகு ஒரே நாளில் 40 கோடிகளைத் தொட்ட ஹிருத்திக் ரோஷனின் 2வது படமாக ஃபைட்டர் மாறி உள்ளது.மேலும் இந்தியாவை தாண்டி வெளிநாடுகளிலும் படம் வசூல் வேட்டை செய்து வருகிறது.
இப்படம் இப்போது ஆஸ்திரேலியாவில் ஹிருத்திக் ரோஷனின் அதிக வசூல் செய்த படமாக மாற உள்ளது. சித்தார்த் ஆனந்த் இயக்கத்தில் 2023 ஆம் ஆண்டு வெளியான பதான் படத்திற்கு பிறகு, குடியரசு தினத்தில் வெளியாகி அதிக வசூல் செய்த 2வது படமாக ஃபைட்டர் இடம் பெற்றுள்ளது.
