’கண்ணே கலைமானே’: மேலும் மூன்று சிறப்பு அங்கீகாரம்!

சீனு ராமசாமி இயக்கத்தில் உதயநிதி ஸ்டாலின், தமன்னா நடிப்பில் வெளியான திரைப்படம் ’கண்ணே கலைமானே’. இந்தப் படத்துக்கு விமர்சகர்கள், ரசிகர்கள் மத்தியில் கலவையான விமரிசங்களைப் பெற்றது.

சில மாதங்களுக்கு முன்னர், இந்திய – பிரெஞ்சு திரைப்பட விழாவில் ’கண்ணே கலைமானே’ படம் திரையிடப்பட்டது. இதில் சிறந்த நடிகைக்கான விருதை தமன்னாவும், சிறந்த துணை நடிகைக்கான விருதை வடிவுக்கரசியும், சிறந்த தயாரிப்பாளருக்கான விருதை உதயநிதி ஸ்டாலினும் பெற்றனர்.

இந்நிலையில் படத்துக்கு தொடர்ந்து பல அங்கீகாரங்கள் கிடைத்து வருகின்றன. அக்கோலேட் சர்வதேசத் திரைப்படப் போட்டி, ஜெய்ப்பூர் சர்வதேசத் திரைப்பட விழா,  தொழிலாளர் ஒற்றுமை திரைப்பட விழா  ஆகிய திரைப்பட விழாக்களில், ’கண்ணே கலைமானே’ திரைப்படம் தேர்ந்தெடுக்கப்பட்டு போட்டிப் பிரிவில் பங்கு பெற்றுள்ளது.