கேஜிஎப் 2 படத்தில் நாயகனுக்கு இணையாக மிரட்டியவர் இந்தி திரைப்பட ஹீரோ சஞ்சய் தத். தற்போது இவர், துருவ் சர்ஜா நாயகனாக நடிக்கும் கன்னடப் படமான ‘கேடி தி டெவில்’ படத்திலும் முக்கிய கதாபாத்திரத்தில் நடிக்கிறார். பான் இண்டியா திரைப்படம்தான் இதுவும். பல மொழிகளில் மொழி மாற்றம் செய்யப்பட்டு ஒரே நேரத்தில் இந்தியா முழுதும் வெளியாக உள்ள படம்.
இப்படத்தின் நிகழ்ச்சி ஒன்றுக்காக பெங்களூரு வந்த சஞ்சய் தத், “எத்தனையோ இந்திப் படங்களில் நடித்து இருக்கிறேன். ஆனால் தென்னிந்திய திரைப்படங்களில் நடிப்பது புது அனுபவமாக இருக்கிறது. இங்கே சரியான நேரத்துக்கு படப்பிடிப்பைத் துவங்கி விடுகிறார்கள். தவிர, விறுவிறுவென படப்பிடிப்பு நடக்கிறது.
இன்னொரு விசயம்.. தென்னிந்திய படங்களில் காதல், காமெடி, ஆக்சன், சென்டிமெண்ட் என அனைத்தும் சம அளவில் கொடுக்கப் படுகின்றன.. இந்திப் படங்களில் இவற்றில் ஏதாவது ஒன்று தூக்கலாக இருக்கும். ஆகவே தென்னிந்திய படங்களைப் பார்த்து இந்தித் திரையுலகம் இதை கற்றுக்கொள்ள வேண்டும்” என்றார்.
க.க.போ!
