இசையமைப்பாளர் இளையராஜா இசை அமைத்த பல பாடல்கள், ரசிகர்களை வெகுவாக கவர்ந்துள்ளன. ஆனாலும் ஏதாவது பேசி அடிக்கடி சர்ச்சையில் சிக்கிக் கொள்வது அவரது வழக்கம்.
இந்த நிலையில் அவர் குறித்து புதிய சர்ச்சை கிளம்பி உள்ளது.
ஏ.ஆர். ரகுமான் இசை அமைத்த முதல் திரைப்படம் ரோஜா. இதில் இடம் பெற்ற பாடல்கள் அனைத்தும் ஹிட்! இந்தியாவையே திரும்பிப் பார்க்க வைத்தன. இதில் ஒன்று, சின்ன சின்ன ஆசை பாடல். இப்பாடலை மின்மினி பாடியிருந்தார்.
இந்த நிலையில் சமீபத்தில் மலையாள இசை நிகழ்ச்சிகளில் கலந்து கொண்ட மின்மினி, “ஏற்கெனவே இளையராஜா இசையில் நான் பாடி வந்தேன். ஆனாலும் சின்ன சின்ன ஆசை பாடல் தான் எனக்கு மிகப்பெரிய புகழை ஏற்படுத்தி தந்தது. ஆனால், ஏ ஆர் ரகுமானின் இசையில் அந்த பாடலை பாடிய பிறகு இளையராஜா எனக்கு வாய்ப்பு வழங்கவே இல்லை” என்றார்.
இது திரையுலகில் பரபரப்பை ஏற்படுத்தி உள்ளது.
