‘அனிமல்’ ஒரு மணி நேரத்தில் 10ஆயிரம் டிக்கெட் விற்பனை.!

சந்தீப் ரெட்டி வங்கா இயக்கத்தில் உருவான ‘அனிமல்’ திரைப்படத்தின் டிரைலர் வெளியாகி ரசிகர்கள் மத்தியில் பெரும் பரபரப்பை ஏற்படுத்தியது. இதில் ரன்பீர் கபூர், ராஷ்மிகா மந்தானா, பாபி தியோல், அனில் கபூர் உள்ளிட்ட நட்சத்திர நடிகர்கள் நடித்திருப்பதால் இப்படத்தைக் காண ரசிகர்கள் ஆர்வத்துடன் காத்திருக்கிறார்கள்.

இப்படத்தின் அட்வான்ஸ் புக்கிங் தற்போது நடந்து வருகிறது. பூஷன் குமார் தயாரிப்பில் உருவான ‘அனிமல்’ எனும் திரைப்படத்தின் முன்பதிவு தொடங்கிய சில மணி நேரங்களுக்குள் 10,000 டிக்கெட்டுகள் விற்பனையாகின. இதைப் பார்த்த படக்குழுவினர் மிகுந்த உச்சாகத்தில் இருக்கின்றனர்.

இந்த படம் டிசம்பர் 1ஆம் தேதி  உலகம் முழுவதும் திரையரங்குகளில் வெளியாகிறது.