இரவின் விழிகள் படத்தின் மூலம் தமிழில் அறிமுகமாகும் துளு நடிகை நீமா ரே!

மகேந்திரா பிலிம் ஃபேக்டரி சார்பில் மகேந்திரன் தயாரிக்கும் ‘இரவின் விழிகள்’ படத்தை சிக்கல் ராஜேஷ் இயக்கியுள்ளார். இந்த படத்தில் தயாரிப்பாளர் மகேந்திரன் கதாநாயகனாக நடிக்க, இயக்குநர் சிக்கல் ராஜேஷ் வில்லனாக நடித்துள்ளார்.

கதாநாயகியாக துளு மற்றும் கன்னட திரைப்படங்களில் நடித்துவரும் நீமா ரே நடித்துள்ளார். துளு மொழியில் இவர் நடித்த ‘பங்காரா’ படம் தேசிய விருது பெற்றது. ‘இரவின் விழிகள்’ படத்தின் மூலம் தமிழ்ச் சினிமாவில் அறிமுகமாகிறார்.

அவருடன் நிழல்கள் ரவி, மஸ்காரா அஸ்மிதா, கும்தாஜ், சேரன் ராஜ், சிசர் மனோகர், ஈஸ்வர் சந்திரபாபு, கிளி இராமச்சந்திரன் ஆகியோர் நடித்துள்ளனர். ஏ.எம். அசார் இசையமைத்து, பாஸ்கர் ஒளிப்பதிவு செய்துள்ளார். படம் வரும் 21-ஆம் தேதி திரையரங்குகளில் வெளியாகிறது.