இயக்குநர் லோகேஷ் அஜில்ஸ் இயக்கத்தில் கடந்த சில மாதங்களுக்கு முன்பு வெளியான படம் ‘லெவன்’. இந்த திரைப்படத்தில் நடிகர் நவீன் சந்திரா, ரியா ஹரி, ஷசாங்க், ரவி வர்மா, அபிராமி உள்ளிட்டோர் முக்கிய கதாபாத்திரங்களில் நடித்திருந்தனர். விறுவிறுப்பான சஸ்பென்ஸ் திரில்லர் கதைக்களத்தில் வெளிவந்த இப்படம், திரையரங்குகளில் பெரும் வரவேற்பைப் பெற்றதோடு, அதன் பின்னர் ஓடிடி தளத்திலும் பெரிய வெற்றியைப் பெற்றது.
இதற்கிடையில், இயக்குநர் லோகேஷ் அஜில்ஸ் அடுத்ததாக எந்த வகை படத்தை இயக்கப் போகிறார், யாரை கதாநாயகனாக தேர்வு செய்ய போகிறார் என்ற கேள்விகள் ரசிகர்கள் மத்தியில் எழுந்தன.
இந்நிலையில், அவர் தனது அடுத்த படத்தில் நடிகர் விஷ்ணு விஷாலை கதாநாயகனாகக் கொண்டு புதிய திரைப்படத்தை இயக்கவுள்ளதாகத் தகவல் வெளியாகியுள்ளது. இந்தப் படத்தை கார்த்திக் சுப்பராஜின் ஸ்டோன் பென்ச் நிறுவனம் தயாரிக்கவுள்ளதாக கூறப்படுகிறது.
