நானியின் ‘தி பாரடைஸ்’ படத்தில் மிகவும் அழுத்தமான கதாப்பாத்திரத்தில் நடிக்கிறாரா கயாடு லோஹர்?

தமிழில் அஸ்வத் மாரிமுத்து இயக்கத்தில் வெளியான டிராகன் படத்தில் பிரதீப் ரங்கநாதனுக்கு ஜோடியாக நடித்து பிரபலமானவர் கயாடு லோஹர். தற்போது அதர்வாவுடன் இதயம் முரளி படத்தில் நடிக்கிறார்.இது தவிர சிம்பு 49வது படம் உள்பட இரண்டு தமிழ் படங்களில் கமிட்டாகியுள்ளார். 

அதைத்தொடர்ந்து தெலுங்கில் நானியுடனும் ஒரு படத்தில் நடிக்க  உள்ளார். ஏற்கனவே தெலுங்கில் அல்லூரி என்ற படத்தில் ஸ்ரீ விஷ்ணுவுக்கு ஜோடியாக நடித்த கயாடு, தற்போது நானிக்கு ஜோடியாக தி பாரடைஸ் என்ற படத்தில் நடிக்கிறார். இப்படி மிகவும் பிசியாக நடித்து வருகிறார் கயாடு லோஹர்.

இந்நிலையில் தி பாரடைஸ் படத்தில் ஒரு அழுத்தமான விலைமாது கதாபாத்திரத்தில்  நடிக்கிறார் என்ற தகவல் வெளியாகியுள்ளது. இப்படம் அவருக்கு தெலுங்கு சினிமாவிலும் திருப்புமுனையாக அமையும் என்று எதிர்பார்க்கப்படுகிறது.