இயக்குனராக அறிமுகமாகும் கருடன் பட நடிகர் உன்னி முகுந்தன்!

மலையாள சினிமாவின் முன்னணி நடிகராக இருப்பவர் உன்னி முகுந்தன். இவர் மலையாளத்தில் ‘மார்கோ’ மற்றும் தமிழில் ‘கருடன்’ போன்ற வெற்றிப் படங்களை வழங்கியுள்ளார். தற்போது இவர் இயக்குனராக அறிமுகமாக உள்ளார் என்றும் தனது முதல் படம் ஒரு சூப்பர் ஹீரோ படமாக இருக்கும் என்றும் அறிவித்துள்ளார்.

இந்தப் படத்தை ஸ்ரீ கோகுலம் மூவீஸின் கோகுலம் கோபாலன் தயாரிக்கவிருக்கிறார் என்றும், அதன் கதை மற்றும் திரைக்கதை மேவரிக் மிதுன் மானுவல் தாமஸ் எழுதி வருகிறார் என்றும் கூறப்பட்டுள்ளது.

தற்போது தெலுங்கில் நடித்து வரும் படத்தை முடித்த பிறகு, இந்த சூப்பர் ஹீரோ படத்தினை தொடங்க உள்ளதாக உன்னி முகுந்தன் தெரிவித்துள்ளார். இப்படத்தின் ஆரம்ப பணிகள் தற்போது நடைபெற்று வருவதாகவும், இதன் படப்பிடிப்பு அடுத்த ஆண்டு துவங்கும் என்றும் அவர் கூறியுள்ளார்.