அறிமுக இயக்குநர் சண்முகம் முத்துசாமியின் இயக்கத்தில் ஜி.வி. பிரகாஷ் நடித்து உருவாகியுள்ள திரைப்படம் ‘அடங்காதே’. இதில் ஜி.வி. பிரகாஷுக்கு ஜோடியாக நடிகை சுரபி நடித்துள்ளார். மேலும், இந்த படத்தில் சரத்குமார், மந்திரா பேடி, தம்பி ராமையா, யோகி பாபு, அபிஷேக் உள்ளிட்ட பலரும் முக்கிய கதாப்பாத்திரங்களில் நடித்துள்ளனர்.
இந்தப் படத்தை ஸ்ரீ கிரீன் புரொடக்சன்ஸ் சார்பில் எம்.எஸ். சரவணன் தயாரித்துள்ளார். இந்நிலையில், இந்தப் படத்தின் வெளியீடு தொடர்பான தகவல் வெளியாகியுள்ளது. அதன்படி, புதிய போஸ்டரை வெளியிட்டு ‘அடங்காதே’ திரைப்படம் வரும் ஜூன் மாதம் வெளியிடப்படவுள்ளதாக அறிவிக்கப்பட்டுள்ளது.
மேலும், இந்தப் படத்திற்கு ஜி.வி. பிரகாஷே இசையமைத்துள்ளார் என்பது குறிப்பிடத்தக்கது. விரைவில் இப்படத்தின் ரிலீஸ் தேதி மற்றும் டிரெய்லர் வெளியாகும் என்று எதிர்பார்க்கப்படுகிறது.
