Touring Talkies
100% Cinema

Monday, March 10, 2025

Touring Talkies

புதிய படத்தை தொடங்கவுள்ள நிலையில் திருத்தணி முருகன் கோவிலில் சாமி தரிசனம் செய்த இயக்குனர் ஐஸ்வர்யா ரஜினிகாந்த்!

Share

- Advertisement -
- Advertisement -
- Advertisement -

தமிழ் திரைப்பட உலகின் முன்னணி இயக்குனர்களில் ஒருவராக விளங்கும் ஐஸ்வர்யா ரஜினிகாந்த், சூப்பர் ஸ்டார் ரஜினிகாந்தின் மூத்த மகளாகும். தமிழ்த் திரைப்படத்துறையில், ‘3’ படம் மூலம் இயக்குனராக தனது பயணத்தை தொடங்கினார். அந்தப் படத்தில் நடிகர் தனுஷ் கதாநாயகனாக நடித்திருந்தார். இந்த படம் வெளியான போது, விமர்சன ரீதியாகவும், பார்வையாளர்களிடையிலும் நல்ல வரவேற்பை பெற்றது.

அதன் பின்னர், அவர் ‘வை ராஜா வை’ மற்றும் ‘லால் சலாம்’ ஆகிய திரைப்படங்களை இயக்கினார். குறிப்பாக, ‘லால் சலாம்’ திரைப்படத்தில் ரஜினிகாந்த் சிறப்பு தோற்றத்தில் (கேமியோ) நடித்திருப்பது குறிப்பிடத்தக்கது. இந்நிலையில், இயக்குனர் ஐஸ்வர்யா ரஜினிகாந்த் தற்போது புதிய திரைப்படம் ஒன்றை இயக்கத் திட்டமிட்டுள்ளார்.

இவ்வாறிருக்க, நேற்று ஐஸ்வர்யா ரஜினிகாந்த் திருத்தணி முருகன் கோவிலுக்கு சென்று வழிபாடு செய்துள்ளார். அப்போது, தான் இயக்கவுள்ள புதிய திரைப்படத்தின் கதையை முருகப்பெருமானின் திருவடியில் வைத்து சமர்ப்பித்து, தரிசனம் செய்ததாக தகவல்கள் வெளியாகியுள்ளன.

- Advertisement -

Read more

Local News